Soliŋ Sɔɔŋ Cho Yɔŋnɔŋndo o Tanda Nyaa Niŋndoŋ Kpeku o Wali Pollo Niŋ

Mi Chiisu soliŋ sɔɔŋ wa yɔŋnɔŋndo o tanda ndɔɔ niŋndoŋ kpeku o wali pollo niŋ. (Luk 13:1-5) Num bɛɛ nɔla ma soliŋ sɔɔŋ yɔŋnuŋ o tanda numndo niŋndoŋ kpeku, le ma chua waŋnda yeemɛi le ma yaŋ nilaŋ o yooŋgu kɛndɛ leMasaa. A suaa a mɛɛ nyɛsɔlaa kendu le sɔlaa yɛ, kpundɛla yɔŋnuŋ ndaŋ, chɔulaba lemasaa, taaŋ bɛndoo ɔɔ a sɔɔŋ cheleŋndoŋ okɔɔ o wali pollo niŋ. Okoŋ ma soliŋ sɔɔŋ muŋ kpeku le nyuna pilaŋ waŋndo kɔllo wo nyunaa. Le tamaseliiyo, a nyuna nyuna waa nuaa aa: “A yiyaŋ pa maa . . . chuu niŋ pa?” ɔɔ, “Nɛɛnɛ ŋ yiyaŋ yɛ maa ndu kinɛi huŋ niŋ ni mbo chii . . . ?” Nduyɛ ma chɔm bolle Baabuile soo a nyɛ ŋ hɛli wo okɔɔ. Te waŋndo chɔm pɛ yeemɛi, a chɔm ndu vidueiyo ɔɔ yauwo o Kɔfu Nyɛm Waliŋ Naŋ Pɛɛku Waŋnda Woŋ Niŋ. Mɛɛ naŋ cho kindiŋndo le waŋnda kɔltaŋ pilaŋndo o tanda naa niŋ yɛ, maa ŋ “tosaŋ nyɛ o nyɛ le sabu yooŋgu kɛndɔɔ.”—1Kɔ 9:22, 23.

Sɔɔŋ kuɛɛ pilaŋ yɛ waŋnda kɔltaŋ o tanda numndo niŋ?