Nyɛ Cho Lefafɛɛŋ Ndo Nɔɔ Cho Ni

Mi Kilisiɔŋaa sɔla batiuwaa o nɔɔ niŋnda ke Chɛhowa bɛɛleŋ, nduyɛ mi ndapila bɛɛ wa a kɔl kɛndɛ. (Mak 10:​9) Le ma wa a kɔl kɛndɛ nduyɛ ma biunuŋ o nɔɔ niŋ, a nɔ ma soliŋ sawala mandaala Baabuiyo kpeku le wana ŋ yeema wo hɛlioo.

‘Fuuluu fɛlɛŋ boondii ŋ chua nɔɔ ve,’ tuupa ma kandu nuaŋnaŋndo nya waŋndo. Kanifuule te a fuuluu boondii keŋ te, mi yeemɛi kala kalɛi le kaa ihinioo tosaa paaliaŋ yiyaŋ numndo le kɛɛsiaa tosaa a taasi. (1Kɔ 7:​36) Lelaŋ soliŋ teleŋ ŋ cho yembu wo kpeku le chaŋyɛi numnde kindioo a Chɛhowa, a suliŋnda leKilisiɔŋndaŋ nɔɔ. Keŋ cho num mala le ma huŋ sɔla batiuwaa o nɔ numndo niŋ.

Tuupa ma chɛl le mi la chal o nɔɔ niŋ nya waŋndo, a nɔ ma chua fɛlɛŋ teleŋndo tau le ‘naŋɔɔ cho wana koŋ o kɔllo niŋ’ di wo sinaa. (1Pi 3:​4) Te a nɔ pɛ kiisaŋndo a sɔɔŋ pum okɔɔ, suukaŋ a wana nya cho nuaŋnaŋndo wo a muŋ okɔɔ. Nɔɔ cho ko maa chaŋyaŋ kpɛɛluŋ naŋ nɔ woŋ. A nɔ ko ma handu kɔllo suee o nyɛ chaaŋ num nɔ mbo tosal numndo choo le. Kɛ a nɔ ma handu kɔllo tau o nyɛ ŋ nɔ ma tosal ndu wo choo. (Flp 2:​3, 4) Te a dɔu pɛ sawala mandaala Baabuiyo o wali niŋ tuupa ma chua nɔɔ, mɛɛ chiyii kala kalɛi ŋ cho keŋ kilaa ni le ma huŋ wa a kɔl kɛndɛ o nɔ numndo niŋ.

LA TOFA VIDUEIYO HOO, BƐƐNDIAŊNDO LE NƆƆ—PƐL 3: ‘CHAL FƐLƐŊ MA TUU,’ OKOŊ MI LA MULI NYUNALAŊ NDAŊ:

• Vɛɛ chaŋyɛi wa ndepilɛnɔɔ hoo tɛɛŋ a Siaŋ nde hiou yɛ lachi?

• Yɛɛ ndoo chiikuu yɛ o chaŋyɛi ndɛi niŋ?

• Vɛɛ wanaa velu ndu wa ndaa mala yɛ ndu? Nduyɛ kɛɛsiaa yɛɛ ndoo tosa yɛ a taasi?