Ŋ WAŊNUŊ MAA ŊKILISIƆŊ
Mi Chɛhowa mala naa le simulta komal naalaŋ biuwɔŋndo
O palɛi mɛɛlɛi hei niŋ, mi simulta kala kalaŋ la komal naa, nduyɛ teleŋndaŋ lapum miŋ yiyaŋ maa ŋ tiuba miŋ biunuŋ ndaŋ te. Kɛ a koŋ kpou, te ŋ hiou pɛ lachi a Chɛhowa sɔɔŋgoo ikɛi kpɛɛluŋ, o cho naa mala le miŋ biunuŋ simulta kala kalala tɛɛmbuu naa kɔllo laŋ. (Ai 43:2, 4) Te ŋ wa pɛ o simulta kala kalalaŋ bɛŋgu, vɛɛ naŋ sɔɔŋguu yɛ Chɛhowa ikɛi kpɛɛluŋ?
Piɛileŋ. Te ŋ piɛi pɛ o Chɛhowa lo a kɔl naa kpou, o cho naa kɔl nyuloo ke a yoomuaŋ le miŋ biunuŋ.—Flp 4:6, 7; 1Tɛ 5:17.
Bɔŋaŋndaŋ. Ŋ hauba a bɔŋaŋnda ndaŋ mbo hiau maa paandu, kanifuule, loŋ Chɛhowa pɛɛku naa ni nduyɛ mbo tosa miŋ tuei chaŋyɛi kɛndɛ yeela a puaapiliaa a ndepiliaa naa. (Hib 10:24, 25) Le miŋ sɔla tɔnɔɔ a malaa nyina diandaa Chɛhowaa o ba ŋ nɔ miŋ bɛɛndiaŋ, miŋ kuɛ o bɔŋaŋnda naalaŋ, nduyɛ miŋ yɔŋgu mulilaŋ.—Sɔɔ 2:29.
Wali Pollo. Te ŋ tosa pɛ o naŋ tiuba wo o wali pollo niŋ, mi keŋ tosa ndi bɛɛŋ bɛɛŋ le yiyaŋndo o sɔɔŋ kɛndɔŋ choo. Nduyɛ mii tosa vɛlɛ miŋ kindi chaŋyɛi nɛi poŋ a Chɛhowa vɛlɛ chaaŋaa naa laalaŋaa naŋ cho wallo latulu wa.—1Kɔ 3:5-10.
LA TOFA VIDUEIYO HOO CHƐHOWA CHO NUM CHUA MAA CHAŊ NDƆ, OKOŊ MILA MULI NYUNALAŊ NDAŊ:
Yɛɛ mala yɛ Malu le mbo lo Chɛhowa ikɛi kpɛɛluŋ a teleŋ o wa o nyɛ kindilaa bɛŋgu wo?
Maa Malu vɛɛ nyɛ dimiŋ o Sam 34:18 niŋndo ke yɛ num kɔl dɛɛniaa te a wa pɛ o nyɛ kindilaa bɛŋgu?
Vɛɛ suɛi yɔŋnaŋii Malu ve chɔm yɛ maa mi Chɛhowa ke naa ‘kpaaya naŋ nɔ le wo’ te ŋ wa pɛ o simul kala kalaa bɛŋgu?—2Kɔ 4:7