Ŋ WAŊNUŊ MAA ŊKILISIƆŊ
Kindiŋ le Yiyaŋ Mɛlɛkaa Sinaa
Ŋ yeema miŋ nɛŋi Chɛhowa kɔl o nyɛ o nyɛ niŋ. (Pulɔ 27:11) Le hei tosaa, kɛɛsiaala naalaŋ la nɔ mi la chɛlaŋ a yiyaŋ Mɛlɛkaa o yɔŋ bɛɛ mi sawa kpeekpei ve a suɛi naŋ nɔ le tosaa ve okɔɔ le. Yɛɛ mala yɛ naa miŋ sɔla batiuwaa?
Tosa kɛɛsiaa le waa Baabuiyo pɛɛkoo lepaa o lepaa. Teleŋ o teleŋ naŋ wa pɛ diomndaŋ veeloo o Baabuiyo niŋ, naŋ chaa a Chɛhowa naŋ wa koŋ teleŋndo chuaa latulu ni. Ŋ tiuba miŋ pɛɛku a mɛɛ Chɛhowa yiyaŋ yɛ, te ŋ mɛɛndiaŋ pɛ a mɛɛ ndoo bii wanaa nduaa yɛ, vɛlɛ a tamasila wanaa ndaa tosa sɔɔŋ kɛndɔŋ ɔɔ sɔɔŋ wɔɔŋndoŋ nda yɛ. Nyina Mɛlɛkaa nɔla mbo mala naa miŋ loonuŋ sawala ndɔ mandaalaŋ vɛlɛ a nyɛ naŋ pɛɛku niŋ o Diom Ndɔɔ niŋndo.—Chŋ 14:26.
Tosa yaasiaa. Te a nɔ pɛ le kɛɛsiaa tosaa, nyunaŋndɔ aa: Bolii Baabui kuɛɛ ɔɔ sɔɔŋ kuɛɛ o Baabuiyo niŋ mala yɛ ya le mi bii bila mɛɛ Chɛhowa yiyaŋ a bahawɛi koŋ okɔɔ yɛ? Piɛi o Chɛhowa lo le mbo mala num, nduyɛ ma soliŋ nyɛm naŋ tosa yaasiaa o suɛi maŋgalɛi numnde niŋndoŋ kpeku, le num malaa le ma saaluŋ nduyɛ ma dɔu sawala mandaala Baabuiyo cho a suɛi keŋ okɔɔ wo o wali niŋ.—Sam 25:4.
LA TOFA VIDUEIYO HOO “LA Ŋ SIMNUŊ KƆL NYƐ KƐNDƐ YI LE KƆLA CHO NAA LACHILAŊ”—DIO NYƐDIAA SIKPAA, OKOŊ MI LA MULI NYUNALAŊ NDAŊ:
Simul kuɛɛ komallɛ ndepilɛnɔ feleŋgɔnɔɔ hoo o vidueiyo niŋ?
Vɛɛ ŋ soliŋ yɛ nyɛm naŋ tosa yaasiaa woŋ kpeku le num malaa te suɛi waa lende komal num pɛ?
Vɛɛ ŋ sɔla yɛ tɔnɔɔ te a chua pɛ teleŋndo le yaasiaa tosaa nduyɛ a pɛɛkɔŋ ipilayaa le num malaa le kɛɛsiaa sɔviɔɔ tosaa?—Hib 5:13, 14.