“Manda Kɔl Numndo”

Sanaa a mala nyina diandaa Chɛhowaa mi Sɔlɔmɔŋ poonyiaa aa: “Mandaŋ a nyɛ ŋ yiyaŋ o kɔl numndo niŋndo.” (Pulɔ 4:23) I cho suɛi imɔnɔ le sinaa maa, mi wanaa Mɛlɛkaa, Isɔluɛiya kɛɛ le hɛnaŋ Chɛhowaa tosaa a kɔl ndaa kpou. (2Ko 6:14) Mi Masaa Sɔlɔmɔŋ bɛɛ chɛl mi laandaa nduaa ndaa piɛi mɛlɛkaa lachoowaa wa siŋga ndu kɔllo le mɛlɛkaa lachoowa piɛiyo. (1Ma 11:4) Vɛɛ ŋ manda yɛ kɔl numndo? Hei wa suɛi lebolii buŋgɛi Bandu Mɛŋgɛlaa le Tɛɛkpaa 2019, pei 14-19 ni.

LA TOFA VIDUEIYO HOO SƆƆŊ BANDU MƐŊGƐLAA PƐƐKU NAA WOŊ—MANDA KƆL NUMNDO, OKOŊ MI LA MULI NYUNALAŊ NDAŊ:

Yɛɛ ndoo nɔla yɛ mbo dii laalaŋ Kilisiɔŋnda haa? Nduyɛ vɛɛ buŋgɛi Bandu Mɛŋgɛlaa hoo mala yɛ nda le kɔl ndaa mandaa?

• 

  Bilɛnt nda Lɔɔlɛŋ

  textarea-1

• 

  Umche

  textarea-2

• 

  Hapi Layu

  textarea-3

Vɛɛ buŋgɛi hei mala yɛ num?