Ŋ WAŊNUŊ MAA ŊKILISIƆŊ
Ma Tosa Wallo Kalaŋ le Naa Malaa
Mi buɛiyaa ibuŋgaa a laandaa ndaa chɔm kaa sala soliaŋndo le wanaa nda cho wallo tosaa le nda wa. Ma buulaŋ le nyɛm nda hauba woŋ, teleŋndaŋ lapum ma saŋga, ma tambu kɔl, mɛɛ mɛɛ i yɔŋnuŋ a naa yɛ. (Che 5:17) A koŋ kpou, o lɔɔ kɛ kɛ bɛŋgu, kpeleŋ ndaa wa le puaapiliaa a ndepiliaa kɔltaŋ dɛɛniaa o kunda nda wa kɔlaŋ yilɔɔ wo niŋ ni. A tonyaŋ, buɛiyaa ibuŋgaa nɔ ma sɔla ‘bɛɛle yiŋgoloŋndeŋ.’—1Ti 5:17.
Mɛɛ kiilanɔ Pɔɔl kɛɛsiaa le kɔlaŋ kundaa Luom yilɔɔ le nda malaa o Mɛlɛka piɛiyo niŋ, yeemɛi wa ndu le mi nda kpou kɔ dɛɛniaŋ kɔltaŋ vellaa velle. (Luo 1:11, 12) A yiyaŋ niŋ pa le buɛi num ibuŋgaa nda laandu kɔllo dɛɛniaa, te o nɔ pɛ lanɔɔ?
LA TOFA VIDUEIYO HOO BUƐILE IBUŊGALEŊ TOSAA O FONDAŊ YOLOLƐI, OKOŊ MI LA MULI NYUNALAŊ NDAŊ:
O nɛilaŋ kuɛɛ niŋ buɛi ibuŋgaa nda laa ndɔ ndaa chɔm yɛ kaa sala soliaŋndo le kundaa?
Tɔnɔ yɛɛ ŋ sɔla yɛ niŋ o wali kala kala nda cho tosaa wo niŋ?
Vɛɛ naŋ dɛɛniaa yɛ nda kɔltaŋ?