Ŋ WAŊNUŊ MAA ŊKILISIƆŊ

Mala Wanaa Nɔ Laalaŋ Te Wa, le Ma Sina Wana Toosiaa Nda Wo

Baa a kiisaŋ niŋ pa le wanaa nɔ laalaŋ te wa yooŋgu kɛndɔɔ dimullo, le mɛɛ ŋ yiyaŋ maa a yeŋ niŋ num lani le yɛ? Te lende i cho ni, mɛɛ loonuŋ maa, wanaa bɔɔbɔɔ ndaa laalaŋ o Chɛhowa niŋ te wa simnuŋ niŋ hau Seiyaa Chɛhowaa. Nyɛ kinɛi yeemaŋndo cho nda malaa ni, ma che sabu chɔm maa Mɛlɛka cho kpeekpeiyo.—Luo 1:20; 10:14.

LA TOFA VIDUEIYO HOO, LOONUŊ MAA WANAA NƆ LAALAŊ TE WA NƆLA MA SƆLA LAALAŊNDO!—WANAA VE O SUƐI MƐLƐKƐI NIŊ TE WA, OKOŊ MI LA MULI NYUNAA HOO:

Vɛɛ suɛi yɔŋnaŋii Tɔmaaso wo mala yɛ num, le ma nɔ yiyaŋ kɛndɔɔ le wanaa laalaŋ o Mɛlɛka niŋ te wa yooŋgu kɛndɔɔ dimullo?

Poonyiaa muli numndo

Vɛɛ naŋ tosa yɛ hei

Te waŋndo dimi pɛ maa o laalaŋ o Mɛlɛka niŋ te, pɛɛsa ndu le, chua yiyaŋ ndɔ koŋ o sɔvɛ, nduyɛ ma kindiŋ le sinaa le sabu o yiyaŋ lende wo. (2Ti 2:24) La dɔu baltaŋ a buŋgɛi o nɔ yeemɛi leniŋnde choo. Baa o nɔ pa yeemɛi le sinaa sabula wanaa bɔɔbɔɔ laalaŋ o wana toosiaa niŋndo? Te o wa pɛ lende, mɛɛ soliŋ yaulaŋ a vidueila cho a keŋ okɔɔ laŋ kpeku. Mɛɛ buluchɔɔ wo hoo, baa yoomoo a bandɔ o hiŋ ni? A The Origin of Life—Five Questions Worth Asking, a chɔɔlu laŋ o kɔfu nyɛm waliŋ na pɛɛku waŋnda woŋ niŋ, le laŋ keleŋaa saalɔŋndo.

O tasela ndɔ, ma nɔ kiisaŋndo le suukaŋndo a tonya cho a Mɛlɛka okɔɔ wo o wanaa nɔ laalaŋ kposoŋ o ndu niŋ te wa lo. Baa o bɛnda ma nyuna wana dimiaa yooŋgu kɛndɛ nɔ taasioo wo le? Loonuŋ maa Chɛhowa tiuba mbo mala naa miŋ pilaŋ wanaa nɔ yeemɛiya kɔltaŋ, o yɔŋ bɛɛ maa ndaa nɔ laalaŋ o ndu niŋ o tasela ndɔ le.—Wal 13:48.