Ŋ WAŊNUŊ MAA ŊKILISIƆŊ
Kaalaŋ Chuauwa—La Mala Chuauwaa Nyaa le Ma Sɔla Taasi iMɛlɛkayaa
Nɛi kɛndɔɔ opilɛ o kalaŋ chuauwa mala chuauwaa ndaa le ma nɔ taasi iMɛlɛkayaa wo, cho nda malaa le ma sɔla tɔnɔɔ o bɔŋaŋnda leKilisiɔŋndaŋ ni. Nyɛ feleŋguaa cha ma tuei nduyɛ ma soo o mulila ndalaŋ niŋndo, tiuba mbo mala nda ma pɛɛku a Chɛhowa okɔɔ, nduyɛ ma nɔ chaŋyɛi kpɛɛluŋnde a ndu. (Di 31:12, 13) Te kala chuaa ŋ cho ni, vɛɛ ŋ mala yɛ chuauwaa numnda le ma sɔla tɔnɔɔ o bɔŋaŋnda leKilisiɔŋndaŋ?
Kindiŋ kpoke le bɔŋaŋndaŋ biyɔɔ o toŋgo leMasaa. —Sam 22:22
Kindiŋ ma chua teleŋndo a puaapiliaa o toŋgo leMasaa tuupa mi bɔŋaŋndo kanduŋ ɔɔ te bɔŋaŋndo chuu pɛ. —Hib 10:25.
Tosa a sabu mi wana o wana o yuŋgoo niŋ nɔ yau naŋ cho soliŋ kpeku o bɔŋaŋndo wo, o wa bɛɛ o nyɛm mapuuloŋ niŋ ɔɔ o pei choo
Mala chua numndo mbo bɛɛndiaa mulioo a mɛɛ o bii ndu bila yɛ.—Mat 21:15, 16.
Dimi sɔɔŋ kɛndɔŋ a bɔŋaŋnda naalaŋ, nduyɛ a pɛɛkula naŋ sɔla loŋ ndaŋ okɔɔ
Mala chuauwaa numnda le ma wa sɔɔŋ muŋ tosaa mɛɛ toŋgo leMasaa dindioo, a baltaŋ dɔwɔɔ a wanaa yuwɛiya cho o kunda numndo niŋnda cho nuaa yɛ
Wallo pila yeemaŋ ni le chuauwaa numnda malaa ma nɔ chaŋyɛi kpɛɛluŋnde a Chɛhowa. Nduyɛ hei ve bɛɛŋ bɛɛŋ lepum te, kɛ a koŋ kpou ŋ nɔ tiindaŋndo maa Chɛhowa cho nya mala.—Ai 40:29.
LA TOFA VIDUEIYO HOO, KALAŊ CHUAUWA LA TIINDAŊ CHƐHOWA LE NYA MALAA, OKOŊ MI LA MULI NYUNALAŊ NDAŊ:
Yɛɛ ndoo tosa yɛ mi Chaki nda Liya ndaa saŋga tau?
Le yɛɛ kalaŋ chuauwa nɔ yɛ ma tiindaŋ Chɛhowa le nda yoomuaŋ lueiyo?
O nɛi kuɛɛ cho Chaki nda Liya tiindaŋ yɛ Chɛhowa le batiuwaa sɔlaa?