Fotueilaŋ la Mala Num Ma Pɛɛku Sɔɔŋ Tau

Yaula naalaŋ la nɔ fotueilaŋ tau, le naa malaa miŋ bii sɔɔŋ sɔviɔŋ bila. Vɛɛ ŋ soliŋ yɛ fotueilaŋ ndaŋ kpeku le num malaa?

• Mɛɛndaŋ fɛŋ fotueilaŋ tuupa ma veelu diomndaŋ o buŋgɛi keŋ niŋ. Fotueilaŋ ndaŋ la cho num kɔllo yusa nduyɛ mi la nyindu num le diomndaŋ veeloo o buŋgɛi keŋ niŋ. Te a che pɛ nyɛdiaa yeelɛiyo o hɛŋgɔɔ niŋ, mi yeemɛi wa num le ndu dioo. Lelaŋ nyunaŋ ndɔ aa, ‘Yɛɛnɛ ya cho yɛ chɔɔ?’—Emɔɔsi 7:​7, 8.

• Te a wa pɛ diomndaŋ veeloo o buŋgɛi keŋ niŋ, yiyaŋ le sabu nda soliŋ fotueila laŋ kpeku wo. Te poonyiaa wa pɛ o fotueila laŋ ikɛi ɔɔ mi tɛɛsiaa wa a laŋ okɔɔ, veelu diomndaŋ leniŋ. Kindiŋ ma sina chiɛɛliaŋ cho fotueila laŋ tɛɛŋ a nyɛ cho o buŋgɛi keŋ niŋndo, vɛlɛ a mɛɛ ŋ duau nyɛ ŋ pɛɛku o laŋ niŋndo o wali niŋ yɛ.

• Te a chii pɛ diomndaŋ veelu, soliŋ fotueilaŋ kpeku le hɔlteŋ keiyo o sɔɔŋ kuluŋ cho o buŋgɛi keŋ niŋndoŋ choo. Faŋa hɔlla ma yiyaŋ a fotueila laŋ okɔɔ, nduyɛ ma kindiŋ le chɔɔ nyɛ ŋ pɛɛku leniŋndo.

• Tofa vɛlɛ fotueilaŋ o yau koŋ niŋ, ma kindiŋ le sinaa te a loonuŋ pɛ sɔɔŋ kuluŋ ŋ pɛɛku woŋ.