A Tiuba Ma Sɔla Tɔnɔɔ o Bolii Baabui Chiɛɛliaŋ a Bolle Baabuileŋ Lepum Ndo

Bolii Baabui chiɛɛliaŋ a bolle Baabuileŋ lepum ndo mi i wa o peeleŋ tɛɛŋ o Hivioo le Chieeŋ Sɛnɛiyo Niŋ, chɔm mɛɛ bolii Baabuiye ipum chiɛɛliaŋ, nduyɛ mi i chɔɔlu isɔɔ a yooŋgula cheleŋ chiɛɛliaŋ a bolle Baabuile leŋ okɔɔ wo. Le bolii Baabuiye hei saalɔŋndo, tofa le chomulta cho o diomndaŋ tɛɛŋndo o bolle Baabuile ŋ cho diomndaŋ veeloo leŋ niŋ. Le bolii Baabuiye hei saalɔŋndo o Baabui nda soli o pei choo wo niŋ, tofa vɛlɛ le chomul pilɛ koŋ o bolle Baabuile ŋ cho wa diomndaŋ veeloo leŋ niŋ. O jw.org choo ɔɔ JW Library^® app niŋ, chuku o chomul cho o diomndaŋ tɛɛŋndo niŋ le bolii Baabuiye hei saalɔŋndo.

Bolii Baabuiye hei tiuba mi i yɛɛ num o sɔɔŋ cho muŋ lebɛŋgu woŋ i kɛ kɛ:

Kona Cheleŋ Soo a Suɛi Pilɛi Keŋ Okɔɔ Wo: Bolii Baabuiye hei soo a kona pilɔɔ okɔɔ kɛ o bolle Baabuile cheleŋ niŋ. Le tamaseliiyo, tofawɔ 2 Saamiɛɛ 24:1 a 1 Koloniko 21:1.

Diomnda Nda Soli o Bolii Baabui Cheleŋ Niŋnde: Bolii Baabuiye hei chɔm naa nda soli diomndaŋ ɔɔ diomndo opum ndo o Bolii Baabui cheleŋ niŋ. Le tamaseliiyo, tofawɔ Maatiu 4:4 a Ditɔnɔmii 8:3.

Huuluŋ Peeluŋ Ndoŋ: Bolii Baabuiye hei chɔm naa huuluei a peelɔŋ ndɔɔ cho wa. Le tamaseliiyo, tofawɔ Maatiu 2:5 a Sɛkalaya 9:9.