Le Yɛɛ Nya Chua yɛ Diolaŋ aa Seiyaa Chɛhowaa?

A mɛɛ Baabuiyo dimi yɛ, diola kpeekpeila Mɛlɛkalaŋ la cho Chɛhowa ni. (Ɛsodɔɔ 6:3; Chondei 83:18) Te a dimi pɛ aa seiyo, wana dimi tonyaa nduyɛ, mbo tɛɛsiaa sɔɔŋ o laalaŋ maa ŋ cho tonya woŋ.

Te ŋ chua pɛ diolaŋ aa Seiyaa Chɛhowaa, laŋ la chɔɔmuu naa ni maa naa Kilisiɔŋaa dimi tonyaa a Chɛhowa okɔɔ wa naŋ cho ni, Mɛlɛka toosiaa nyɛ o nyɛ fee wo. (Sɔɔŋ Chɔɔmaŋndoŋ 4:11) Ŋ tɛnda seileŋ o waŋnda lo a mɛɛ naŋ bii yoomula naalaŋ yɛ, nduyɛ, a mɛɛ naŋ chɔm nda nyɛ naŋ pɛɛku o Baabuiyo niŋndo yɛ.—Aisaya 43:10-12; Pitɛ Tasoo 2:12