Le Yɛɛ La Veelu Fondaŋ Nya Lepiɛiyo aa Chɔchiiyo Le?

O Baabuiyo niŋ, te a dimi pɛ aa chɔchiiyo, o Kilikiiye niŋ, o sim le wanaa kundaa cho Mɛlɛka piɛiyo wa, o cho le chiɛi nda cho Mɛlɛka piɛiyo wo le.

Nuawɔ tamaseliiyo hoo, mɛɛ kiilanɔɔ Pɔɔl wa kunda wanaa laalaŋnda poonyiallo Loum, mbo yɔŋ yilɔɔ o pɔnɔɔ a lanɔɔ lo diolaŋ aa Pilisila a Akuila. Mbo poonyiaa vɛlɛ aa, “La yil la vɛlɛ kunda wanaa laalaŋnda a chuuŋgiaŋ o wanaa ŋiɔɔŋnda haa lo chiɛi niŋ nda.” (Luomaŋnda 16:5, Yooŋgu Kɛndɛ Mɛlɛkaa) O cho chiɛiyo le Paul yɔŋ yilɔɔ le, kɛ, o wanaa chuuŋgiaŋ chiɛiniŋ loŋ nda lo.a

Lelaŋ, tuupa miŋ veelu toŋgo naa lepiɛiyo aa chɔchiiyo, nyɛ koŋ naŋ veelu ndu ni aa “Toŋgo leMasaa”

Le Yɛɛ Nya Veelu yɛ ndu aa “Toŋgo leMasa Seiyaa Chɛhowaa”?

Diolaŋ ndaŋ la bɛnda le sabulaŋ ndaŋ,

• Chiɛiyo hoo toŋgoo o cho ni ɔɔ fondaŋ bɔŋaŋndo.

• Ŋ bɔɔŋiaŋ le Chɛhowa piɛiyo, Mɛlɛka nɔ Baabuiyo wo. Nduyɛ, le seileŋ tɛŋndaa a ndu okɔɔ.—Chondei 83:18; Aisaiya 43:12.

• Ŋ bɔɔŋiaŋ vɛlɛ le pɛɛkoo a Masale Mɛlɛkaleŋ okɔɔ. Chiisu cho masaa o masaleŋ ndeŋ choo ni.—Maatiu 6:9, 10; 24:14; Luku 4:43.

A chaa hunɔɔ o Toŋgo leMasa Seiyaa Chɛhowaa cho num ikɛiyo le mi numpila che mɛɛ nda bii bɔŋaŋnda ndalaŋ yɛ.