La Yɔŋgu Pa Talamaa?

Ɛ, ɛ. Seiyaa Chɛhowaa a yɔŋgu talama le. Baala naa cho o toolaŋ a mɛɛ waŋndo kɛɛsiaŋ o kɔl le malaa yɛ. Nduyɛ, wanaa yɔŋgu tooloo hoo wa pelnuŋ ladio le. Yɛɛ cho yɛ talamaa? Le yɛɛ Seiyaa Chɛhowaa yɔŋgu talamaa le?

Mɛlɛka dou Isɔluɛitiiya sindɛ sawaa ni le talamaa yɔŋgoo. Mɛɛmɛɛfee, Baabuiyo dimi ndi kpendekele maa Kilisiɔŋnda cho lɛ o sawa yɔŋgaa talamaa, a sawala Mɛlɛka ke sindɛ Muuse le Isɔluɛitiiya laŋ bɛŋgu le.—Hibuluiya 7:5, 18; Kolosiaŋnda 2:13, 14.

Seiyaa Chɛhowaa yɔŋgu talama le, kɛ, a yɔŋguŋ ndapila le suɛi Mɛlɛkɛi hivio lachi o nɛilaŋ la tiɔɔŋ niŋ; A tosa baala Mɛlɛkaa a kɔl kpou, a paawa nda le. Nduyɛ, a yɔŋgu tooloo a mɛɛ nda kɛɛsiaŋ o kɔl le malaa yɛ.

Nyɛ Diom Mɛlɛkaa dimi wo naŋ cho tolɔɔ kɔɔli ni. Mi Baabuiyo dimi aa, “wana o wana mɛɛ ŋ kɛɛsiaa o kɔl numndo niŋ le malaa yɛ, yɔŋgu lende. wana va yɔŋgoo pɛ, yɔŋgu a kɔl kiisaŋ te. Nduyɛ, wana o wana yɔŋgu ndu mɛɛ nda yɔŋ ko aa, kindilaa nda kindila num ni le. Kani fuule, Mɛlɛka o kaala wana yɔŋgu hoo o kɔl chɛlaa wo.”—Kɔliŋtiaŋ Diiŋ Ndɔɔ 9:7.