Diomnda Tɛɛsiaalaŋ

c Wanaa sinaa dɛniaa dimi maa, mi puaa haa chua buŋgɛi le waa Naasaluɛiya. (Nɔm. 6:​1-21) O Sawala Mɛlɛka ke Muuse laŋ bɛŋgu waŋnda ndaa chua buŋgɛi hei ni. Nduyɛ sawa koŋ ndoo mɛɛlu niŋ. A koŋ kpou, mi Pɔɔl chɔm sinapɛŋgoo maa i ve suɛi wɔɔŋ le mi puaa haa ndaa peelu buŋgaŋ ndaa chua o Chɛhowa loŋ woŋ te. Lelaŋ, i ve suɛi wɔɔŋ kposoŋ le mi ndoo paawa le nda sendioo, a le nda liilaa le. Ŋ sina kpeekpei buŋgɛi ndaa chua ve le, kɛ ŋ sina maa mi Pɔɔl toolu nda. Naapum mɛɛ Pɔɔl yɔŋgu tooloo le visiaa solioo sala (mɛɛ Naasaluɛiya ndaa tosa yɛ), ndoo laalaŋ maa hei wa hakila puaa haa faŋa. Chiisu ndoo soliŋ niŋ sala le hakila waŋnda chieeya kpou. Lelaŋ, sala visi ndoo yeemaŋ lɛ le hakilaŋ faŋaa le. Ŋ sina sɔɔŋ kpou a nyɛ Pɔɔl ndoo tosa wo okɔɔ le, kɛ ŋ nɔ tiindaŋndo maa Pɔɔl ve chɛlɔɔ kposoŋ mi nyɛ o nyɛ paaliaŋ kɔl ndɔ iyamaa le.