Diomnda Tɛɛsiaalaŋ

b TƐƐSIAA LE DIOMNDAŊ: “Kpele hɛnɛkiɔɔ o Mɛlɛka piɛiyo niŋ” sim le diom pilɛ naŋ cho tueiyɔɔ yeela o Chɛhowa piɛiyo niŋndo. O kpele hɛnɛkiɔɔ hoo niŋ, miŋ sɔla nyɛm mala naa le pɛɛkoo a Mɛlɛka okɔɔ woŋ tau. Nduyɛ pesiŋ bɛɛ nyɔɔŋ muŋ tolnuŋ o choola cho o kaaŋnde niŋndaŋ choo le. O faŋaŋ okoŋ kɔɔli, ŋ nɔ wali sɔvɛ sɔviɔɔ le tosaa. Ndu cho yɛ yooŋgu kɛndɔɔ dimioo a Masale Mɛlɛkaleŋ okɔɔ ni. Ŋ cho chaŋyɛi kpɛɛluŋnde tueiyɔɔ yeela a Chɛhowa, nduyɛ kɔl nyuloo cho naa tɛɛŋ a puaapiliaa a ndepiliaa naa. Mi puaapiliaa a ndepiliaa naa haa mala naa le miŋ biunuŋ sɔɔŋ kindilaŋ komal naa woŋ a kɔl kɛndɛ. A teleŋ naŋ kandu Chɛhowa piɛiyo o nɛi o hɛnaŋndo choo wo, naŋ luɛi o kpele hɛnɛkiɔɔ hoo niŋ ni.