NYUNA 5
Yooŋgu yɛɛ cho yɛ o Baabuiyo niŋ?
“I cho yaamɔɔleŋ luei num tɛɛŋ a wana lanɔɔ, mi luei yaamɔɔleŋ chuawaa numnda tɛɛŋ a chuauwaa nduaa. Nduyɛ, o cho num bolleŋ piɔlɔɔ, mi num kel ndu tɔndi kɔɔliei.”
“O sabu chuaa num a mamaa niŋ, ya I duau niŋ lɛŋnde kpou o chieeŋndo choo sala ni, kani fuule, le mɛɛ ŋ tosa nyɛ ya I dimul numndo yɛ.”
“Masale numndeŋ le huŋ. Hɛnaŋ numndo yɔŋnuŋ o lɛŋndeŋ choo mɛɛ o cho o choo choo niŋ yɛ.”
Maatiu 6:10, NW
“Mɛlɛka o tosa mi ŋ sɔla kɔl nyuloo wo o cho suŋ suŋ chii a Setana, masa nyinaa wɔɔŋnda, mbo tosa mi ŋ nɔ ndu kpaayaa choo.”
“Te Mɛlɛka tosa pɛ mi nyɛ o nyɛ va ndu o ba bɛŋgu, ndu Kiliti pila o cho po Mɛlɛkaa wo o muliŋ niko vɛlɛ, o yɔŋguŋ Mɛlɛka o ba bɛŋgu o tosa mi nyɛ o nyɛ wa ndu o ba bɛŋgu wo. Boondii keŋ ndu Mɛlɛka o va niŋ masa nyɛ o nyɛ fee choo.”
“Mɛlɛka chuel Ebilaham buŋgaŋ a wana cho hunɔɔ fula o pulale Ebilaham ndeŋ choo wo. Wana koŋ, ndu cho yɛ Kiliti ni. . . . Te la wa yɛ wanaa Kilitiaa pɛ, mɛɛ nya bɛɛ o pulale Ebilahamndeŋ choo nya fula ni.”
“Masanɔɔ Mɛlɛka naa nda wana ndɔ o chua buŋgɛi maa o cho viomɔɔ le waŋnda piŋioo wo, nda nɔ niŋ kpaayaa le waa masaa chieeŋndo kpou choo ni. Nduyɛ Masanɔɔ Mɛlɛka naa, ndu cho [wa] masaa le fɛɛŋ a fɛɛŋ ni.”
“Tambalaka bɛndoo hoo ma soli ndu o fondaŋ Mɛlɛkaa po nda kiilaa nduaa cho ndu o ba bɛŋgu va, ma mal nda o chieeŋndo hoo choo. Ndu yɔŋnuŋ ni maa kɛu paandu paandoo, o nda veelu aa Masa Nyinaa Wɔɔŋnda wo, ma veelu ndu vɛlɛ aa, Setana. Ndu hui ŋwaŋnda chiee kpou ma tosa yɔŋ wɔɔŋndo ni.”
“Mbo bii tambalakaa kpau, ndu yɔŋnuŋ ni maa kɛu paandu pandoo o cho masa nyinaa wɔɔnda wo, ma veelu ndu aa Setana. Mɛɛ o bii ndu, . . . mbo kinda. . . . le mi tambalakaa hoo lo o biyɔɔ niŋ le wɔsilaŋ 1,000.”