Seiyaa Chɛhowaa, Wanaa Suu Maa Vɛɛ Nda Cho Yɛ?

Vɛɛ kpɛ num sina yɛ Seiyaa Chɛhowaa? Naa pumnda, chiɛɛ­liaŋ numndo naŋ cho ni. Le pum yɛ, miŋ tosa wallo latulu. Apum, nya ndaa kua o sukuu ni. Kɛlɛŋgaa dɔɔ apum cho num Baabuiyo pɛɛkoo. Wanaa suu maa vɛɛ kpeekpei naŋ cho yɛ? Nduyɛ, le yɛɛ naŋ chɔm yɛ waŋnda laalaŋnda naalaŋ?

Wanaa pilla naŋ cho ni. Ŋ fula o naamula siaama niŋ, nduyɛ, o kɔɔlima yɛ yiaŋ niŋ naŋ fula ni. Naa pumnda, o piɛiyii yɛ yɛi niŋ fɛŋ naŋ wa. Apum yɛ, ndaa laalaŋ o Mɛlɛka niŋ te. Tuupa miŋ huŋ simnuŋ Seiyaa Chɛhowaa, ŋ chua fɛŋ teleŋndo miŋ yaasiaa nyɛ Baabuiyo pɛɛku wo nyɛkɛndɛi. (Walta Wanaa Chiisuaa 17:11) Mɛɛ naŋ chɛl nyɛ naŋ pɛɛku wo, okoŋ miŋ chua le Chɛhowa piɛiyo.

Ŋ sɔla tɔnɔɔ o Baabuiyo pɛɛkoo niŋ. Naa bɛɛ ŋ nɔ baha­wɛilaŋ. Nduyɛ, miŋ benduŋ maa wanaa cheleŋ koni. Kɛ, kindiŋndo le tolɔɔ sila Baabuiyo kɔɔli lɔɔlɔɔ tosa ni miŋ che siŋgaŋnda sɔwɛlaŋ o yoomu naa niŋ. Sam 128:1, 2) Sabu naŋ dimul waŋnda nyɛ naŋ pɛɛku o Baabuiyo niŋndo opilɛ cho hoo ni

Ŋ tual sawala Mɛlɛkalaŋ kɔɔli. A mɛɛ Baabuiyo dimi yɛ, sawalaŋ ndaŋ la tosa mi waŋndo sɔla kɛndiaa kɛndɔɔ. La tosa mi waŋndo nɔ bɛɛleŋ le acheleŋnda. Mbo nɔ kaala kɛndɛlaŋ mɛɛ sandei a kɛndɛi cho naa yɛ. La tosa vɛlɛ mi waŋndo simnuŋ wana sɔwɛɔ o chaltaŋ niŋ. Sawalaŋ ndaŋ la dɛɛniaa yuŋgoo le ma wa o diompilɛ niŋ. Nduyɛ, la sila le mi waŋ­nda o yuŋgoo niŋ nɔ kaa kɛndɔɔ vellaa velle. Ŋ sina vɛlɛ maa “Mɛlɛka hɛli ŋwaŋnda chiee le.” Lelaŋ, puaapiliaa kpou naa wanaa laalaŋ­nda ŋ cho ni o chieeŋndo choo kpede. Ŋ nɔ hɛliaŋ lekaa a lelɛŋ naa pila tɛɛŋ te. Lelaŋ wanaa pilla kpe naŋ cho ni.—Walta Wanaa Chiisuaa 4:13; 10:34, 35.

• Yɛɛ Seiyaa Chɛhowaa nɔ yɛ mbo wa nyɛ pilɛ a wanaa cheleŋnda?

• Nyɛm sɔwɛ kuɛɛ Seiyaa Chɛhowaa pɛɛku yɛ o Baabuiyo niŋ?