Ŋ WAŊNUŊ MAA ŊKILISIƆŊ
Hiouwɔɔ Lachioo Tosaa O Wali Pollo Niŋ—Soliŋ Nyunalaŋ Kpeku Nyɛkɛndɛi
LE YƐƐ HEI BƐNDA YƐ?: Te o yɔŋ pɛ maa “waŋndo mi yiyaŋnda ndɔlaŋ la yiŋgila, . . . mɛɛ sooŋ mamɛŋndo o yiŋgila nuaa yɛ,” mɛɛ nyunalaŋ la cho machuaa maa baawa nanaa mamɛŋ le laŋ nanɔɔ. (Pulɔ 20:5) Nyunalaŋ la mala naa mi wanaa cho naa nilaŋ yaŋɔɔ wa bɛɛ soo. Mulilaŋ le nyunala ŋ hɛli laŋ la chuu num fulamakɔɔli kɛndɔɔ. Mi Chiisu soliŋ nyunalaŋ kpeku nyɛkɛndɛi. Vɛɛ naŋ tuallɛ taamasi ndɔɔ kɔɔli?
VƐƐ Ŋ TOSA YƐ HEI?:
Soliŋ nyunala waŋndo yiyaŋ ndaŋ kpeku. Mi Chiisu soliŋ nyunalaŋ kpeku le yiyaŋ buɛiyaa nduaa sinaa. (Mat 16:13-16; be-E 238 ¶3-5) Nyunala suu kuɛɛ ŋ soliŋ yɛ kpeku le mi waŋndo yiyaŋ?
Soliŋ nyunala chɔm waŋndo nɛiyo laŋ. Le Pitɛ miŋgioo o nɛi, mi Chiisu soliŋ nyunalaŋ kpeku nduyɛ a mulila bɛnda laŋ le Pitɛ malaa mbo bii nyɛ o yiyaŋndo bila. (Mat 17:24-26) Nyunala suu kuɛɛ ŋ soliŋ yɛ kpeku le waŋndo malaa mbo bii nyɛ ŋ yiyaŋndo bila?
Chandu wana cho num nilaŋ yaŋɔɔ wo. Mɛɛ wana poonyiaa “muli ndu diom a kɔl kalu,” mi Chiisu chandu ndu. (Mak 12:34) Vɛɛ ŋ chandu yɛ waŋndo te o yɔŋ pɛ mbo muli nyunaa?
LA TOFA PƐL TASE VIDUEIYO HOO, TOSA WALI CHIISU NDOO TOSA WO—PƐƐKU WAŊNDA, OKOŊ MI LA MULI NYUNALAŊ NDAŊ:
Vɛɛ taamasioo hoo cho yɛ pɛɛku wɔɔŋ, mi che bɛɛ tonyaa nyɛ o cho dimioo wo cho ni?
Le yɛɛ naŋ nɔ yɛ miŋ tosa tau mbo hiou suɛi tɛɛsiaa wo?
LA TOFA PƐL DIIŊ NDƆƆ O VIDUEIYO HOO NIŊ, OKOŊ MI LA MULI NYUNALAŊ NDAŊ:
Vɛɛ puaapilɛnɔɔ hoo ndoo soliŋ yɛ nyunalaŋ kpeku nyɛkɛndɛi?
Sɔɔŋ cheleŋ kuɛɛ o pɛɛku ndɔɔ niŋ naŋ tuallɛ kɔɔli?
Vɛɛ pɛɛkula naa laŋ la piiliaŋ yɛ acheleŋnda? (Luk 24:32)