Veelu Wana o Wana o Tanda Numndo Niŋ le Loonuŋyaa!

Teleŋ naŋ cho kandɔɔ waŋnda veeloo le Loonuŋyaa naŋndee a Doŋdoŋndo 27 wo, ŋ cho wanaa bɔɔbɔɔ veelu o tanda naa niŋ le Loonɔŋndo a piɔm Chiisoo okɔɔ. Ŋ nɔ vɛlɛ miŋ kɛsi wanaa cho yeemɛi chɔmnda hɔlteŋ choo nyɛkɛndɛi le mɛɛ naŋ looku miŋ mala nda yɛ.

NƐILA NAŊ NƆ MIŊ TOL KƆƆLILAŊ

NYƐ Ŋ NƆ MA DIMI LE YAU VEELAA YƆŊGOO WO

“Ŋ cho waŋnda yau veelaa hoo kioo le bɔŋaŋ sɔvɛ naŋ nɔ le biyɔɔ wo. A Fuoo 23, waŋnda o miiliɔŋndaŋ niŋ chieeŋndo balɔɔ silɔ cho chuuŋgiaŋ le loonɔŋndo a piɔm Chiisu Kiliti wo okɔɔ. Nduyɛ, a cho vɛlɛ tueiyɔɔ o Baabuiyo niŋ mɛɛ piɔm ndɔɔ chuu naa tɔnɔɔ yɛ. Yauwo hoo chɔm teleŋndo a fondaŋ naŋ cho bɔŋaŋndo hoo biyɔɔ o tanda naa niŋndo. Yandii huŋ te a nɔla pɛ.”

Te waŋndo chɔm pɛ yeemɛi . . .

• YƆŊGU NDU BANDU MƐŊGƐLAA

  Kila ŋgemelaa le miiŋgu makɔɔ tosaa.

• CHƆM VIDUEI CHO A LOONUŊYAA OKƆƆ WO

  Kila ŋgemelaa le miiŋgu makɔɔ tosaa.

Te a miiŋgu pɛ, a . . .

• CHƆM NDU VIDUEIYO HOO, LE YƐƐ Ŋ PƐƐKU YƐ BAABUIYO?

  Okoŋ, a yɔŋgu ndu yau mala naa le Baabuiyo pɛɛkoo wo.

• YƆŊGU NDU YƐƐ KPEEKPEI BAABUIYO PƐƐKU YƐ?

  Soliŋ pei 206-208 kpeku ma chɔɔlu ndu tɛɛsial a Loonuŋyaa okɔɔ. Okoŋ, a yɔŋgu ndu yauwo.

• YƆŊGU NDU YAŊ MƐLƐKA NILAŊ

  Soliŋ pei 18-19 kpeku ma tɛɛsiaa nyɛ piɔm Chiisoo simndo. Okoŋ, a yɔŋgu ndu yauwo.