Hiouwɔɔ Lachioo Tosaa O Wali Pollo Niŋ​—Mala ‘Wanaa Mɛlɛka Hɛli le Yoomu Kpeekpeiyo Sɔlaa’ wa ma Simnuŋ Buɛiyaa Chiisuaa

LE YƐƐ HEI BƐNDA YƐ?: Mi Chɛhowa tosa mi kulii tonyaa hindu ‘wanaa Mɛlɛka hɛli le yoomu kpeekpeiyo sɔlaa’ wa o lakɔl. (Walta 13:​48; 1Kɔl 3:​7) Miŋ tosa wallo latulu a ndu te ŋ wou pɛ sɛmbɔɔ o wali pollo niŋ le wanaa cho tosaa nyɛ nda cho pɛɛkoo wo wa malaa. (1Kɔl 9:​26) Wanaa naŋ cho Baabuiyo pɛɛkoo wa nɔ ma sina maa yiŋɔɔ cho nyɛ sɔvɛ le pioŋɔɔ sɔlaa. (1Pitɛ 3:​21) Ŋ mala nda le ma simnuŋ buɛiyaa Chiisuaa a mɛɛ naŋ pɛɛku nda le siŋgaŋndaŋ tosaa o yoomu ndaa niŋ, le ma dimi yooŋgu kɛndɔɔ nduyɛ ma pɛɛku waŋnda yɛ. Nduyɛ ma yɔŋgu yoomu ndaa o Chɛhowa lo.—Mat 28:​19, 20.

VƐƐ Ŋ TOSA YƐ HEI?:

• Loonuŋ wanaa ŋ cho Baabuiyo pɛɛkoo wa maa le sabu ŋ cho nda pɛɛkoo wo cho le ma ‘sina’ Chɛhowa nduyɛ ma nɛŋi ndu kɔllo ni.—Chɔŋ 17:​3

• Mala nda le ma tosa hiouwɔɔ lachioo o Mɛlɛka piɛiyo niŋ a mɛɛ nda fafaŋ tɔɔndaŋndaŋ yɛ. Mɛɛ kaala wɔɔŋndaŋ a chaŋyaŋ wɔɔŋndoŋ cho naa yɛ

• Peelu nda yoomuaŋ nduyɛ ma dɛɛniaa nda tuupa vɛlɛ a te a sɔla yiŋɔɔ pɛ.—Walta 14:​22

HANDU VIDUEIYO HOO CHƐHOWA MƐLƐKA CHO NUM MALA, OKOŊ, MI LA MULI NYUNALAŊ NDAŊ:

• Siooŋii yɛɛ kuuna yɛ lepum waŋndo le yɔŋgɔŋndo a yiŋɔɔ sɔlaa?

• Vɛɛ bɛnduaa kundaa mala yɛ wanaa cho Baabuiyo pɛɛkoo wa le hiouwɔɔ lachioo tosaa o Mɛlɛka piɛiyo niŋ?

• Yɛɛ Aisaya 41:​10 pɛɛku yɛ naa a Chɛhowa okɔɔ?

• Suliŋnda kuɛɛ la mala yɛ naa le Chɛhowa piɛiyo mɛɛ o hini kɔllɛ, mi che bɛɛ wanaa lahakiaa naŋ cho ni?