CHONDII 134
Chuauwa, Nyɛm Kɛŋ Chɛŋ o Mɛlɛka Lo Woŋ
1. Te poo o simnuŋ finyaa pɛ
Mi chuaa bɛɛ o velu hɔɔ a ba ndɔ,
Nda ŋiɔɔŋ kpede sɔla kalaŋndo,
Kɛ a nɔ ma chaa ndu biyɔɔ.
Chɛhowa pila, ke nda ndu ni,
Ndu ke naa yoomu naŋ nɔ hoo wo ni.
Ndu chɔm kalaŋ chuauwa nɛiyo ni
Le ma tol nɛi ndɔ kɛndɔɔ kɔɔli.
(CHƐLƆƆ)
Nyɛm kɛŋ sɔviɔŋ num sɔla naa ni,
Yoomu sɔviɔɔ cho num o ba.
Pɛɛku nda ma sina Chɛhowa,
Le sawala ndɔlaŋ biyɔɔ.
2. Nyɛ o nyɛ Mɛlɛka dimi,
O nɔ mbo wa num o kɔllo niŋ di.
Pɛɛku chuauwaa numnda diomndaŋ ndaŋ,
Ndu cho num kuee, le tosaa ni.
Ba o ba nya wa pɛ dimul nda,
Te la chɛŋ pɛ, nduyɛ te la chal pɛ.
Mɛɛ nda hindu fau, a cho loonɔŋ,
Le ma lo lechoo, ma nɔ salaa.
(CHƐLƆƆ)
Nyɛm kɛŋ sɔviɔŋ num sɔla naa ni,
Yoomu sɔviɔɔ cho num o ba.
Pɛɛku nda ma sina Chɛhowa,
Le sawala ndɔlaŋ biyɔɔ.
(Tofa vɛlɛ Ditɔnɔ. 6:6, 7; Ɛfi. 6:4; 1 Timo. 4:16.)