Hiouwɔɔ Lachioo Tosaa O Wali Pollo Niŋ​—Kiolɔɔ Pɛɛku Baabui Cho Hiouwɔɔ Lachi Tosa le Wo

LE YƐƐ HEI BƐNDA YƐ: Le mi waŋnda sɔla pioŋɔɔ, mɛɛ ma veelu diola Chɛhowalaŋ. (Luom 10:​13, 14) Kɛ o cho wanaa chɛl le pɛɛkoo a naa wa kpou le yeema ma tol sawala mandaala Chɛhowalaŋ kɔɔli le. Ŋ tiuba miŋ soliŋ teleŋ naa kpeku nyɛkɛndɛi o wali pollo niŋ, te ŋ mala pɛ wanaa yeema kpeekpei siŋgaŋndaŋ tosaa le Chɛhowa kɔllo nɛŋioo wa. Te ŋ chua pɛ teleŋndo tau le waŋndo Baabuiyo pɛɛkoo kɛ mbo tosa hiouwɔɔ lachi le, o bɛnda miŋ kelu pɛɛkoo o nɛi chaa niŋ, nduyɛ miŋ soliŋ teleŋ naa kpeku le wanaa Chɛhowa cho sɔɔŋgoo ndupila ikɛi a kɔɔna ndɔɔ wa. (Chɔŋ 6:​44) A tonya, te wana koŋ chɔm pɛ yeemɛi o chilaŋ niŋ le “yoomu kpeekpeiyo” sɔlaa, o bɛnda miŋ miŋgi pɛɛkoo a ndu.—Walta 13:​48.

VƐƐ Ŋ TOSA YƐ HEI?:

• Mel wana ŋ cho Baabuiyo pɛɛkoo wo balikaa le mɛɛ o nɔ yeemɛi le kɔl kalu cho a Mɛlɛka okɔɔ wo sɔlaa yɛ.—1Timo 2:​4

• Kindila le sabu o bɛnda le mbo dɔu nyɛ o pɛɛku wo o wali niŋndo.—Luk 6:​46-49

• O nɛi kaalaa niŋ, chɔm ndu tale Chiisoo a po saŋ yɛiye wo okɔɔ, nduyɛ ma nyuna ndu le nyɛ cho ndu kuunaa hiouwɔɔ lachioo tosaa wo.—Mat 13:​18-23

• O nɛi chaa niŋ, chɔm ndu le sabu ŋ cho pɛɛkoo kiolɔɔ a ndu wo

• Dimul ndu maa a cho ndu wa yilɔɔ teleŋndaŋ lapum le ndu dɛɛniaa, nduyɛ ma chɔm ndu maa o tiu vɛlɛ ba mbo pɛɛku o chilaŋ niŋ te o tosa pɛ hiouwɔɔ lachioo

TOFA VIDUEIYO HOO, OKOŊ MI LA MULI NYUNALAŊ NDAŊ:

• Yɛɛ ŋ pɛɛku yɛ o baltaŋ ndaŋ niŋ o chɔm maa wana nda wa Baabuiyo pɛɛkoo wo ve hiouwɔɔ lachi tosa o Mɛlɛka piɛiyo niŋ te?

• Vɛɛ wana dimiaa yooŋgu kɛndɔɔ mala yɛ wana o wa Baabuiyo pɛɛkoo wo le mbo che maa o nɔ mbo tosa siŋgaŋndaŋ?

• Vɛɛ wana dimiaa yooŋgu kɛndɔɔ chɔm yɛ maa te wana o wa Baabuiyo pɛɛkoo wo yeema pɛ le pɛɛkoo o chilaŋ niŋ, o cho wa a kɔl kɛndɛ le ndu pɛɛkoo?