BUŊGƐI WALII 4

Baabuiyo Soliŋndo Kpeku Nyɛkɛndɛi

Maatiu 22:41-45

SƆƆŊ KULLOŊ: Toosiaa wanaa cho num nilaŋ yaŋɔɔ wa kɔltaŋ malaŋ ŋ soliŋ bolle Baabuileŋ kpeku.

Yiyaŋ le sabu ŋ yeema bolle Baabuileŋ soliŋndo kpeku wo. Soliŋ bolle Baabuile kɛ kɛ kpeku, o nɛi yaa wanaa cho num nilaŋ yaŋɔɔ wa o suɛi kulii ŋ yeema pɛɛkoo o bolle Baabuile leŋ niŋndo choo.

Yiyaŋ nyɛ tosa ma poonyiaa bolle Baabuile leŋ ndo. Te waŋndo dimi pɛ suɛi, wana koŋ kpeekpei ŋ piɔl diolaŋ ni. Nduyɛ, wana poonyiaa yau Baabuiyo wo kpeekpei ŋ piɔl diolaŋ ni.
Ke Baabuiyo kpaayaa. Te a wa pɛ suɛi o wanaa laalaŋ o Mɛlɛka niŋnda lo, tosa ma chua Baabuiyo maa “Diom Mɛlɛkaa” o cho ni. Ke ndu dioo maa ndu cho yau hiou taasioo kpou wo ni.
Chua waŋnda yeemɛi o bolle Baabuileŋ niŋ. Soli nyunaa, okoŋ mi bolle Baabuileŋ le muli. Soo a bahawɛiyo, ma chɔm mɛɛ bolle Baabuileŋ le soli ndu yɛ. Chɔm sawa mandaa, okoŋ mi bolle Baabuileŋ le mala nda ma bii ndu bila.

A nɔ ma sina nyɛ wanaa cho num nilaŋ yaŋɔɔ wa sina niŋ a bolle Baabuile leŋ, vɛlɛ a suɛi keŋ okɔɔ wo. O yɔŋ bɛɛ maa waŋnda sina niŋ bolle Baabuile leŋ, soliŋ ndeŋ kpeku o nɛi nda nɔ yeemɛiyo niŋ, okoŋ, ma mala wanaa cho num nilaŋ yaŋɔɔ wa ma che leŋ o nɛi teŋgeŋndo choo.