Piɛile Tonyaleŋ Le Nɔ mi Le Wa Le Diandaa

Le miŋ lo o kaala Mɛlɛkaa bɛŋgu, ŋ nɔ miŋ wa a diandaa o dialloŋ niŋ a o kaala naalaŋ niŋ a mɛɛ sawala Chɛhowalaŋ laŋ la dimi yɛ. Nduyɛ miŋ piɛi ndu mɛɛ o yeema yɛ o yɔŋ bɛɛ mi wanaa balu naa wa ve hei tosa le. Nyɛ o nyɛ finya naa cho o choo choo niŋndo che pɛ maa o cho o nɔɔlɛi, ŋ nɔ miŋ tosa ndu le.

Sɔɔŋ tosa mi chieeŋndo wa o nɔɔlɛiyo. 1. Simlachinɔ lekaando cho sovɛiya piɛileŋ choo. 2. Simlachinɔ lekaando cho poo a poo kɛsioo o nɔɔ niŋ. 3. A toosiaa wunduleŋ a yɔmndo a violɔŋ Chiisu wo okɔɔ ma kɛsi laŋ naa pisiaa le mi waŋnda wa keiyo tofaa.

Te I tosa sɔɔŋ wanaa kɛɛ le Mɛlɛka diikɔŋndo wa tosa woŋ te, tɔnɔ yɛɛ ya cho yɛ sɔla?