BUŊGƐI WALII 1

Suɛi Kandɔɔ Nyɛkɛndɛi

Walta Wanaa Chiisuaa 17:22

SƆƆŊ KULLOŊ: Mɛɛ ma kandu suɛi o nɛi o chua waŋnda yeemɛiyo choo. Chɔm suɛi numnde, nduyɛ ma chɔm le sabu suɛi keŋ cho i sɔvɛ o wanaa cho num nilaŋ yaŋɔɔ wa lo wo.

VƐƐ Ŋ TOSA YƐ HEI?

Chua waŋnda yeemɛi. Kandu a nyunaa, suɛi yɔŋnaŋnde, te koŋ te sɔɔŋ wanaa cho num nilaŋ yaŋɔɔ wa nɔ yeemɛi leniŋ ndoŋ.

Tuupa ma huŋ kandu suɛi, challɔ kpɛ ma yiyaŋ a nyɛ wanaa cho num nilaŋ yaŋɔɔ wa nɔ yeemɛi leniŋ ndo, okoŋ, ma kandu suɛi numnde o nɛi koŋ choo.
Chɔm suɛi numnde: Te a kandu pɛ suɛi, tosa a sabu mi wanaa cho num nilaŋ yaŋɔɔ wa sina suɛi num keŋ, nduyɛ, le sabu ŋ cho ndi yɔŋgoo wo.
Chɔm le sabu suɛi keŋ cho i sɔvɛ wo: Tosa a sabu mi wanaa cho num nilaŋ yaŋɔɔ wa soliŋ suɛi numnde kpeku le bahawɛila ndalaŋ solioo. A nɔ ma che mɛɛ suɛi keŋ mala nda o yoomoo niŋ yɛ.

Te a wa pɛ suɛi numnde toosiaa, nyunaŋndɔ aa, ‘Bahawɛi yɛɛ puaapiliaa a ndepiliaa nɔ yɛ o kunda nuu niŋ?’ Okoŋ, ma kandu suɛi numnde a mɛɛ bahawɛi ndaa cho yɛ.

Walta Wanaa Chiisuaa 17:​22

VƐƐ Ŋ TOSA YƐ HEI?

Walta Wanaa Chiisuaa 17:22