Nɔɔ
Nɛɛ cho yɛ puundule nɔɔ?
Nɛɛ Kilisiɔŋnɔɔ nɔ yɛ mbo hɛli le challe o nɔɔ niŋ?
Te waŋndo yɔŋgu wɔ yoomu ndɔɔ o Chɛhowa lo nduyɛ mbo sɔla yiŋɔɔ le, le yɛɛ Kilisiɔŋnɔɔ nɔ yɛ mbo chɛl le mi po ndɔɔ ɔɔ chua ndɔɔ chal wana koŋ o ba o nɔɔ niŋ te?
Tamaseliilaŋ o Baabuiyo niŋ la mala naa laŋ:
Chɛ 24:1-4, 7—Mi Ebilaham chuel Aase po ndɔ lanɔɔ wanaa piɛi Chɛhowa wa tɛɛŋ, kɛ o cho Kenanaitiiya, a ndaa piɛi Chɛhowa kposoŋ te wa tɛɛŋ te
Chɛ 28:1-4—Mi Aase dimul Chekɔpu po ndɔ le mbo chua lanɔɔ wanaa piɛi Chɛhowa wa tɛɛŋ, kɛ o cho Kenanaitiiya tɛɛŋ te
Vɛɛ Chɛhowa sinaŋ yɛ te Kilsiɔŋnɔɔ chua pɛ wana cho wana laalaŋ te wo o nɔɔ niŋ?
Tamaseliilaŋ o Baabuiyo niŋ la mala naa laŋ:
1Mat 11:1-6, 9-11—Mi Chɛhowa tambu kɔllo tau a Sɔlɔmɔŋ le mɛɛ o kɛɛ sawa ndɔɔ diikɔŋndo, okoŋ mbo chua laanduaa o lɛŋii cheleŋ niŋ, nduyɛ mbo chɛl nda ma luei ndu balaŋ o piɛile lachoowaaleŋ niŋ yɛ
Nɛh 13:23-27—Mɛɛ Nɛhimaya, Masa Ibuŋgaa yiyaŋ o tumbe Chɛhowa ndoo dɔunuŋ ndo choo, mbo sila wanaa ndaa chua laanduaa ve Chɛhowa piɛi le wa
Le yɛɛ o bɛnda yɛ ma chua wana cho Chɛhowa piɛiyo o laalaŋndo choo, nduyɛ mbo nɔ tamasi kɛndɔɔ wo o nɔɔ niŋ?
Tofa vɛlɛ Ɛfi 5:28-31, 33
Tamaseliilaŋ o Baabuiyo niŋ la mala naa laŋ:
1Sa 25:2, 3, 14-17—Mi che bɛɛ wana sulaa Nabaa wa ni, kɛ ndoo nɔ kɔl tuuwo, nduyɛ ndoo nɔ taasi kposoŋ te. Lelaŋ o ve pɔnɔ kɛndɛ le Abikɛɛ le
Pulɔ 21:9—Te a chal pɛ nya wana cho Chɛhowa piɛi le wo o nɔɔ niŋ, a ve a kɔl kɛndɛ kposoŋ te
Luo 7:2—Mi kiilanɔɔ Pɔɔl dimi maa, te wana lanɔɔ chal pɛ o nɔɔ, pɔnɔ ndɔ nɔ niŋ ndu kpaayaa choo ni. Lelaŋ, wana lanɔ taasioo nɔ mbo sina wana o cho ichali o ba o nɔɔ niŋndo
Bɛɛndiaŋndo le nɔɔ
Le yɛɛ poo nɔ yɛ mbo bɛɛndiaŋ fɛlɛŋ le kalaŋndaŋ chuaa o yuŋgoo niŋ tuupa mbo kɛɛsiaa le lanɔɔ chuaa?
Tamaseliilaŋ o Baabuiyo niŋ la mala naa laŋ:
Pulɔ 24:27—Tuupa mi wana pɔnɔɔ chua lanɔɔ, ɔɔ mbo velu chuauwa, o nɔ fɛlɛŋ mbo bɛɛndiaŋ le kalaŋ leyuŋgoo chuaa
Le yɛɛ wanaa cho nuaŋnaŋndo wa nɔ yɛ ma handu kɔllo o wanaa cheleŋ nyunaa le silala sɔvɛlaŋ choo, nduyɛ ma siiniaŋ fɛlɛŋ nyɛkɛndɛi mbo hiau kɔllo handɔɔ o naŋɔɔ lahɔllo choo?
Tamaseliilaŋ o Baabuiyo niŋ la mala naa laŋ:
Lutu 2:4-7, 10-12—Mi Bowaa kindiŋ fɛlɛŋ le sinaa wana suu Lutu cho wo, mɛɛ o cho wana wali kala yɛ, kaala ndɔlaŋ, mɛɛ o bii yuŋgu ndɔɔ, vɛlɛ a mɛɛ kpɛ o kaala Chɛhowa yɛ. Mbo kindiŋ vɛlɛ le sinaa nyɛ acheleŋnda wa dimioo a ndu okɔɔ wo
Lutu 2:8, 9, 20—Mi Lutu bɛɛ sina maa Bowaa nɔ kɛndɛi, nduyɛ maa o kaala Chɛhowa
Le yɛɛ Chɛhowa dimi yɛ maa wanaa cho nuaŋnaŋndo wa nɔ ma lo a diandaa tuupa ma chal o nɔɔ niŋ?
Tamaseliilaŋ o Baabuiyo niŋ la mala naa laŋ:
Pulɔ 5:18, 19—Diomndaŋ lapum, wanaa cho o nɔɔ niŋnda kinɛi nɔ ni ma dimulaŋ ndaŋ
Chondii Sɔlɔ 1:2; 2:6—A teleŋ poombɔ mandaa lasaa a chuaambɔ Sulamaitiinɔɔ wa nuaŋnaŋndo wo, diomnda kɛndɛlaŋ ndaa dimullaŋ niŋ. Kɛ o cho diomnda kpeeŋiaa waŋndo yeemɛi le hiniei tosaa wo le
Chondii Sɔlɔ 4:12; 8:8-10—Mi chuaambɔ Sulamaitiinɔɔ tiu kɔl ndɔɔ ba, nduyɛ mbo lo o diandaa. O wa ko maa kpele cho o bɔŋaa kpɔkɔsu a kpakpioo wo
Baa wanaa cho nuaŋnaŋndo wa nɔ pa ma tol sawa lelɛŋndo kɔɔli le challe o nɔɔ niŋ?
Kalaŋ pɔnɔɔ nɔ wo
Kalaŋnda lusulɛila kuɛɛ pɔnɔɔ nɔ yɛ o yuŋgoo niŋ?
Tamasi nɛɛnɛ pɔnɔɔ nɔ yɛ mbo tol kɔɔli te o hiŋ pɛ a chilaŋ chuaa o yuŋgoo niŋ?
Le yɛ i cho yɛ suɛi sɔvɛ le mi pɔnɔɔ wa wana taasi, nduyɛ mbo bii laa ndɔ o nɛi kaala niŋ?
Tamaseliilaŋ o Baabuiyo niŋ la mala naa laŋ:
Chɛ 21:8-12—Mi Chɛhowa dimul Ebilaham le mbo yaŋ Sela nilaŋ, mi che bɛɛ Ebilaham ndoo niŋ kɔl a kɛɛsiaa Sela ndoo yɔŋgu wo le
Pulɔ 31:10, 11, 16, 28—A mɛɛ bolii Baabuiye hei dimi yɛ, te wana pɔnɔ taasioo chua pɛ wana lanɔ kɔl kaloo o nɔɔ niŋ, o nuuviaa ndu sɔɔŋndaŋ o ŋdial, kɛlɛŋgaa mbo bii ndu ma chɛ le. Kɛ mbo tiindaŋ ndu a kɔllo kpou, nduyɛ mbo saŋgala ndu
Ɛfi 5:33—Mi kiilanɔɔ Pɔɔl dimi maa, lanɔɔ nɔ mbo sinaŋ kɛsɛ maa pɔnɔ ndɔ kaala ndu
Kalaŋ lanɔɔ nɔ wo
Kalaŋ sɔvɛ kuɛɛ Chɛhowa ke yɛ lanɔɔ o yuŋgoo niŋ?
Baa foofo lanɔɔ nɔ wo chɔm pa maa o cho wana sɔvɛ le?
Tamaseliilaŋ o Baabuiyo niŋ la mala naa laŋ:
Pulɔ 1:8; 1Kɔ 7:4—Te o hiŋ pɛ a nɔɔ vɛlɛ a yuŋguleŋ okɔɔ, Chɛhowa ke lanɔɔ ɔɔ kalaa kpaayaa otiŋ
1Kɔ 11:3—Mi kiilanɔɔ Pɔɔl dimi maa o kɛɛsiaa Mɛlɛkaa niŋ, wana o wana nɔ wana cho ndu bolleŋ ndo, o faŋaŋ o Chɛhowa kɔɔli, Mɛlɛka Kpuluŋgumaa
Hib 13:7, 17—O kunda leKilisiɔŋndo niŋ, waŋpiaanduaa a waŋlaanduaa kpou nɔ ma diikuŋ wanaa cho chilaŋ chuaa wa
Vɛɛ wana lanɔ Kilisiɔŋnɔ nɔ pɔnɔ cho wana laalaŋ te wo nɛŋi yɛ Chɛhowa kɔllo?
Le yɛɛ lanɔ Kilisiɔŋnɔɔ nɔ yɛ mbo hiou lachi a pɔnɔ ndɔ bɛɛleŋ kioo?
Tamaseliilaŋ o Baabuiyo niŋ la mala naa laŋ:
Chɛ 18:12; 1Pi 3:5, 6—Mi Sela ndoo ke pɔnɔ ndɔ bɛɛle yiŋgoloŋndeŋ. Mi ndoo veelu ndu pɛŋ aa “Masanɔɔ.” Hali o yiyaŋnda ndɔlaŋ niŋ bɛɛ ndoo chue ndu chɔdɔ le
Wana lanɔ suu maavɛɛ Baabuiyo saŋgala yɛ tau?
Tamaseliilaŋ o Baabuiyo niŋ la mala naa laŋ:
Chɛ 24:62-67—Mi Lubeka dɛɛniaa pɔnɔ ndɔ Aase kɔllo tau a teleŋ kala ndɔ sɔla piɔmndo wo
1Sa 25:14-24, 32-38—Mi Abikɛɛ chiindiaa yoomu pɔnɔ ndɔ ndoo nɔ taasi kposoŋ te wo, mɛɛ o nyɔɔlu Deeve a tusiŋ bɛndoo
Ɛsita 4:6-17; 5:1-8; 7:1-6; 8:3-6—Mi Ɛsita luei yoomu ndɔɔ o kpundɔɔ niŋ le kɔlaŋ o masaa lo le halikpeŋ mbo nyɔɔlu le wanaa Mɛlɛkaa
Kɛɛ sinapɛŋgoo toosiaŋndo tɛɛŋ
Sawala mandaala Baabui kuɛɛ mala yɛ pɔnɔɔ a lanɔɔ te kɛɛ sinapɛŋgoo luɛi nda pɛ tɛɛŋ?
Sawala mandaala Baabui kuɛɛ mala yɛ pɔnɔɔ a lanɔɔ le ma nɔ yiyaŋ kpeŋkpeŋndo a kaniei okɔɔ?
Lu 12:15; Flp 4:5; 1Ti 6:9, 10; Hib 13:5
Tofa vɛlɛ “Kaniei”