၁၄ ဝံၤဒီး အဝဲတ့ထီၣ်​ ဒဲအတၢ်ကံးညာ် ၁၁ ဘ့ၣ်လၢ မဲာ်တဲးလဲးအဆူၣ်​ လၢကကျၢၢ်ဘၢဝဲ ဒဲစီဆှံအဂီၢ်လီၤ.+ ၁၅ ဒဲအတၢ်ကံးညာ်တဖၣ်အံၤ တဘ့ၣ်စုာ်စုာ်န့ၣ်​ ထီဝဲ အပျၢ် ၃၀ ဒီးလဲၢ်ဝဲ ၄ ပျၢ်လီၤ. ဒီးဒဲအတၢ်ကံးညာ် ၁၁ ဘ့ၣ်န့ၣ်​ အလဲၢ်အထီ ထဲသိးလိာ်အသးလီၤ. ၁၆ ဒီးအဝဲ ဆးကထြၢထီၣ်ဝဲ ဒဲအတၢ်ကံးညာ် ယဲၢ်ဘ့ၣ်​ ဒီးဒဲအတၢ်ကံးညာ် အဝဲဃုဘ့ၣ်န့ၣ်​ အဝဲဆးကထြၢထီၣ်ဝဲ စ့ၢ်ကီးလီၤ. ၁၇ ဒီးအဝဲတ့ထီၣ်​ တၢ်အကွီၤအခါ ၅၀ လၢတၢ်ကံးညာ်တဘ့ၣ်​ အကနူၤ ဖဲတၢ်မၤဘၣ်ဘျးအီၤအလီၢ် ဒီးတၢ်အကွီၤအခါ ၅၀ လၢတၢ်ကံးညာ် အဝဲတဘ့ၣ်အကနူၤ ဒ်သိး ကမၤဘၣ်ဘျးအီၤ အဂီၢ်လီၤ. ၁၈ ဒီးအဝဲတ့ထီၣ်​ နီၣ်ဘျးတိၢ်ဘီ အခါ ၅၀ ဒ်သိးတၢ်ကံးညာ် ခံကရူၢ် ကဘၣ်ဘျး ဒီးကကဲထီၣ်​ တခါဃီအဂီၢ်လီၤ.