၂၈ “နကဘၣ်ကိးန့ၢ် နဒီပုၢ်ဝဲၢ်ခွါ စီၤအၤဟရိၣ်+ ဒီးအဖိခွါတဖၣ်+ လၢအမ့ၢ် စီၤနၤဒး, စီၤအဘံဟူၤ,+ စီၤအလၤဧစၢ် ဒီးစီၤအံသမၢ်+ ဒီးနီၤဖးလီၤအဝဲသ့ၣ်လၢ ပှၤအံၣ်စရ့လးဖိအကျါ ဒ်သိးအဝဲသ့ၣ်​ ကမၤတၢ်ဒ် ပှၤလုၢ်တၢ်ဒိၣ်​ လၢယဂီၢ်လီၤ.+ ၂ ဒီးနကဘၣ်ထါ တၢ်ကူတၢ်သိးစီဆှံလၢ အဃံအလၤ ဒီးအဖျါလီၤပာ်ကဲလၢ နဒီပုၢ်ဝဲၢ်ခွါ စီၤအၤဟရိၣ်​ အဂီၢ်လီၤ.+ ၃ နကဘၣ်တဲတၢ်ဒီး ကယဲၢ်ပှၤလၢ ယဟ့ၣ်အီၤ တၢ်ကူၣ်သ့ လၢအအိၣ်ဒီး တၢ်သ့တၢ်ဘၣ်​ ကိးဂၤဒဲး+ ဒီးအဝဲသ့ၣ်​ ကထါ တၢ်ကူတၢ်သိးလၢ တၢ်ကပာ်စီဆှံ စီၤအၤဟရိၣ်အဂီၢ် ဒ်သိး စီၤအၤဟရိၣ်​ ကမၤတၢ် ဒ်ပှၤလုၢ်တၢ်ဒိၣ်​ လၢယဂီၢ်လီၤ.

၄၀ “လၢစီၤအၤဟရိၣ်​ အဖိခွါတဖၣ်​ အဂီၢ်န့ၣ်​ နကဘၣ်ထါစ့ၢ်ကီး ဆ့ဖးထီတဖၣ်, ယီၢ်တကိးတဖၣ်လၢ ဆ့ဖးထီအဂီၢ် ဒီးခိၣ်ဖၢၣ်တဖၣ်+ လၢအဃံအလၤ ဒီးအဖျါလီၤပာ်ကဲလီၤ.+

၄၃ ဒ်သိး စီၤအၤဟရိၣ်​ ဒီးအဖိခွါတဖၣ်​ သုတဘၣ်​ တၢ်ကမၣ်​ ဒီးသုတသံတဂ့ၤအဂီၢ် အဝဲသ့ၣ်​ ကဘၣ်ကူထီၣ်သိးထီၣ်​ တၢ်သ့ၣ်တဖၣ်အံၤ ဖဲအဝဲသ့ၣ်​ လဲၤနုာ်လၢ တၢ်အိၣ်ဖှိၣ်​ အဒဲပူၤမ့ၢ်ဂ့ၤ သုးဘူးအသးဆူ တၢ်လုၢ်လီၢ် ဒ်သိး ကမၤတၢ်အခ့အပှၤ အတၢ်မၤလၢ တၢ်စီဆှံအလီၢ်မ့ၢ်ဂ့ၤ အခါန့ၣ်လီၤ. အဝဲအံၤ မ့ၢ်တၢ်သိၣ်တၢ်သီ လၢအဂၢၢ်ကျၢၤ လၢစီၤအၤဟရိၣ်​ ဒီးအဖိအလံၤ* လၢခံတဖၣ်​ အဂီၢ်လီၤ.

၁၅ ဒီးဒ်နဒိးဖှူအဝဲသ့ၣ်​ အပၢ်အသိး နဘၣ်ဒိးဖှူအဝဲသ့ၣ်+ ဒ်သိးအဝဲသ့ၣ်​ ကမၤတၢ် ဒ်ယပှၤလုၢ်တၢ်ဒိၣ်တဖၣ်​ အဂီၢ်လီၤ. ဒီးခီဖျိလၢ အဝဲသ့ၣ်​ အတၢ်ဒိးဖှူအဃိ မူဒါလၢအမ့ၢ် ပှၤလုၢ်တၢ်ဒိၣ်န့ၣ်​ ကမ့ၢ် အဝဲသ့ၣ်အတၢ် တစိၤဘၣ်တစိၤလီၤ.”+