၁၄ ဒီးအဝဲ ဟဲမူၤဝဲ ကျီၢ်ဖါလၢ တၢ်လုၢ်လၢ တၢ်ဒဲးဘးအဂီၢ် ဒီးစီၤအၤဟရိၣ်​ ဒီးအဖိခွါတဖၣ်​ ပာ်ထီၣ်အစုလၢ ကျီၢ်ဖါလၢ တၢ်လုၢ်လၢတၢ်ဒဲးဘးအဂီၢ် အခိၣ်လိၤလီၤ.+ ၁၅ ဒီးစီၤမိၤၡ့ မၤသံဝဲ ကျီၢ်ဖါအံၤ ဒီးဘျၢလီၤ အစုနၢတဘိလၢ ကျီၢ်ဖါအသွံၣ်+ အကျါ ဒီးထွါအီၤလၢ တၢ်လုၢ်လီၢ် အနၢၤတဖၣ်အလိၤ ဒီးမၤကဆှီထီၣ်ဝဲ တၢ်လုၢ်လီၢ်လၢ တၢ်ဒဲးဘးလီၤ. မ့မ့ၢ် တၢ်သွံၣ်လၢ အအိၣ်တ့ၢ်ဝဲခဲလၢာ်န့ၣ်​ အဝဲ လူလီၤဝဲလၢ တၢ်လုၢ်လီၢ် အခီၣ်ထံးလီၤ. အဃိ အဝဲပာ်စီဆှံ တၢ်လုၢ်လီၢ် ဒ်သိး ပှၤကလုၢ်ထီၣ်​ တၢ်လုၢ်တဖၣ်​ လၢတၢ်လုၢ်လီၢ် အဖီခိၣ်​ လၢတၢ်မၤဘၣ်လိာ်ဖိးဒ့က့ၤတၢ် အဂီၢ်လီၤ. ၁၆ ဝံၤဒီး စီၤမိၤၡ့ ဟံးန့ၢ် ကျီၢ်ဖါအသိလၢ အအိၣ်လၢ အပှံာ်လိၤခဲလၢာ်, အသိလၢ အသူၣ်လိၤဒီး အကလ့ၢ်ခံဖျၢၣ်​ ဃုာ်ဒီး သိလၢအအိၣ်လၢအလိၤ ဒီးအဝဲ ဒွဲၣ်အူထီၣ်အီၤ ဒ်သိး အကခုၣ်ထီၣ်လၢ တၢ်လုၢ်လီၢ် အဖီခိၣ်​ အဂီၢ်လီၤ.+ ၁၇ မ့မ့ၢ် ကျီၢ်ဖါအစိၣ်, အဘ့ၣ်, အညၣ်​ ဒီးအအ့ၣ်န့ၣ်​ ဘၣ်တၢ်ဒွဲၣ်အူထီၣ်ကွံာ်အီၤ လၢမ့ၣ်အူ လၢဒဲကဝီၤအချၢ+ ဒ်ယဟိဝၤယွၤ မၤလိာ် စီၤမိၤၡ့ အသိးလီၤ.