၄ အဝဲကပာ်အစုလၢ ဆၣ်ဖိကီၢ်ဖိလၢ တၢ်ကလုၢ်ထီၣ်အီၤ ဒ်တၢ်လုၢ်ဒွဲၣ်အူန့ၣ်​ အခိၣ်လိၤ ဒီးကစၢ်ယွၤ ကတူၢ်လိာ် တၢ်လုၢ်အံၤ ဒီးကပျၢ်ကွံာ် အတၢ်ဒဲးဘးလီၤ.

၁၈ ဒီးအဝဲဟဲမူၤ သိဖါ လၢတၢ်လုၢ်ဒွဲၣ်အူအဂီၢ် ဒီးစီၤအၤဟရိၣ်​ ဒီးအဖိခွါတဖၣ်​ ပာ်ထီၣ်အစုလၢ သိဖါ အခိၣ်လိၤလီၤ.+ ၁၉ ဒီးစီၤမိၤၡ့ မၤသံဝဲ သိဖါအံၤ ဒီးဖှံဝဲ အသွံၣ်လၢ တၢ်လုၢ်လီၢ်အလိၤ ကိးကပၤဒဲးလီၤ. ၂၀ ဒီးအဝဲ ဒီၣ်တဲာ်သိဖါ တကူာ်တကူာ် ဒီးအခိၣ်သၣ်ဃံ, အကူာ်တဖၣ်​ ဒီးအသိတဖၣ်န့ၣ်​ စီၤမိၤၡ့ ဒွဲၣ်အူထီၣ်ဝဲ ဒ်သိးအကခုၣ်ထီၣ်​ အဂီၢ်လီၤ. ၂၁ ဒီးအဝဲ သ့စီဝဲအပှံာ် ဒီးအခီၣ်တဖၣ်​ ဒီးစီၤမိၤၡ့ ဒွဲၣ်အူထီၣ်ဝဲ သိဖါဒီတဒုလၢ တၢ်လုၢ်လီၢ် ဒ်သိး အကခုၣ်ထီၣ်​ အဂီၢ်လီၤ. ဒီးအမ့ၢ်ဝဲ တၢ်လုၢ်ဒွဲၣ်အူ ဒီးတၢ်နၢမူလၢ အမၤမုာ်ယွၤအသးလီၤ. ဒီးမ့ၢ်ဝဲ တၢ်လုၢ်လၢမ့ၣ်အူ လၢယဟိဝၤယွၤ အဂီၢ် ဒ်ယဟိဝၤယွၤ မၤလိာ်စီၤမိၤၡ့အသိးလီၤ.