၅ “လၢပှၤအံၣ်စရ့လးဖိ ဒီတဖုအအိၣ်န့ၣ်​ အဝဲကဘၣ်ဟံးန့ၢ်ဝဲ မဲာ်တဲးလဲးဖါဖိခံဒု လၢတၢ်လုၢ်လၢ တၢ်ဒဲးဘးအဂီၢ် ဒီးသိဖါတဒု လၢတၢ်လုၢ်ဒွဲၣ်အူ အဂီၢ်လီၤ.+

၆ “ကျီၢ်ဖါလၢ အမ့ၢ် တၢ်လုၢ်လၢ အနီၢ်ကစၢ် အတၢ်ဒဲးဘးအဂီၢ်န့ၣ်​ စီၤအၤဟရိၣ်​ ကဘၣ်လဲၤမူၤဘူးထီၣ်ဝဲ ဒီးအဝဲ ကဘၣ်မၤ ဘၣ်လိာ်ဖိးဒ့က့ၤတၢ်လၢ အနီၢ်ကစၢ်+ ဒီးအဒူၣ်ဖိထၢဖိ* အဂီၢ်လီၤ.

၁၈ “ဒီးအဝဲကလဲၤဝဲလၢ တၢ်လုၢ်လီၢ်+ လၢအအိၣ်ဝဲလၢ ယဟိဝၤယွၤ အမဲာ်ညါ ဒီးကမၤဘၣ်လိာ်ဖိးဒ့က့ၤတၢ်လၢ တၢ်လုၢ်လီၢ်အဂီၢ် ဒီးကဟံးန့ၢ်ဝဲ ကျီၢ်ဖါ အသွံၣ်တနီၤ ဒီးမဲာ်တဲးလဲး အသွံၣ်တနီၤ ဒီးကထွါဝဲလၢ တၢ်လုၢ်လီၢ် အနၢၤတဖၣ်အလိၤလီၤ. ၁၉ ဒီးအဝဲ ကဘၣ်ဖှံ တၢ်သွံၣ်အံၤလၢ အစုနၢတဘိ လၢတၢ်လုၢ်လီၢ်အလိၤ နွံဘျီ ဒ်သိး တၢ်လုၢ်လီၢ် ကကဆှီဝဲ ဒီးဒ်သိး ကပာ်စီဆှံဝဲ ခီဖျိလၢ ပှၤအံၣ်စရ့လးဖိတဖၣ်​ တကဆှီဘၣ်​ အဃိလီၤ.