၆ ဖဲပိာ်မုၣ်တဂၤအံၤ မၤကဆှီထီၣ်အသးလၢ အဖိမုၣ်​ အဃိမ့ၢ်ဂ့ၤ အဖိခွါ အဃိမ့ၢ်ဂ့ၤ အမုၢ်နံၤတဖၣ်မ့ၢ် ပှဲၤထီၣ်အခါ အကဘၣ်ဟဲစိာ် သိဖါတဒု လၢအအိၣ်တနံၣ်​ လၢတၢ်လုၢ်ဒွဲၣ်အူအဂီၢ်+ ဒီးထိၣ်ကးက့ၣ်ဖိ တဘ့ၣ်​ မ့တမ့ၢ် ထိၣ်လွံၢ်တဘ့ၣ်​ လၢတၢ်လုၢ်လၢ တၢ်ဒဲးဘးအဂီၢ် ဆူပှၤလုၢ်တၢ်ဒိၣ်အအိၣ်​ လၢတၢ်အိၣ်ဖှိၣ်အဒဲ အတၢ်နုာ်လီၤ အလီၢ်န့ၣ်လီၤ.

၁၈ “တဲဘၣ်​ စီၤအၤဟရိၣ်​ ဒီးအဖိခွါတဖၣ်​ ဒီးပှၤအံၣ်စရ့လးဖိတဖၣ်လၢ ‘ပှၤအံၣ်စရ့လးဖိ တဂၤ မ့တမ့ၢ် ပှၤထံဂၤကီၢ်ဂၤဖိ လၢကီၢ်အံၣ်စရ့လး အပူၤတဂၤ မ့ၢ်ဟ့ၣ်လုၢ်ထီၣ်ဝဲ တၢ်လုၢ်ဒွဲၣ်အူ+ လၢယဟိဝၤယွၤအအိၣ်​ ဒ်သိး ကမၤလၢပှဲၤ အတၢ်အၢၣ်လီၤ မ့ၢ်ဂ့ၤ ဒ်တၢ်လုၢ်လၢ တၢ်သးအိၣ်အပူၤ မ့ၢ်ဂ့ၤန့ၣ်+ ၁၉ အဝဲကဘၣ်​ ဟ့ၣ်လုၢ်ထီၣ်ဝဲ ကျီၢ်ဖါ မ့တမ့ၢ် သိဖါဖိ မ့တမ့ၢ် မဲာ်တဲးလဲးဖါလၢ အလၢအပှဲၤတဒု+ ဒ်သိး အဝဲကဒိးန့ၢ်ဘၣ်​ ကစၢ်ယွၤ အတၢ်ဘၣ်သး အဂီၢ်လီၤ. ၂၀ သုတဘၣ်​ ဟ့ၣ်လုၢ်ထီၣ်​ ဆၣ်ဖိကီၢ်ဖိလၢ အအိၣ်ဒီး တၢ်တလၢတပှဲၤ နီတမံၤဘၣ်.+ သုမ့ၢ်ဟ့ၣ်လုၢ်ထီၣ်တၢ် ဒ်န့ၣ်န့ၣ်​ သုတဒိးန့ၢ်ဘၣ်​ အတၢ်ဘၣ်သးဘၣ်.