၁၁ “‘ပှၤတဂၤ လၢအကဟ့ၣ်လုၢ်ထီၣ်တၢ်လၢ အတၢ်ဒဲးဘးအဂီၢ်န့ၣ်​ အတၢ်မ့ၢ်တယၢဘၣ်လၢ အကဟဲစိာ်ဝဲ ထိၣ်လွံၢ် ခံဘ့ၣ်​ မ့တမ့ၢ် ထိၣ်ကးက့ၣ်ဖိ ခံဘ့ၣ်ဘၣ်န့ၣ်​ အကဘၣ်ဟဲစိာ်ဝဲ ကိၣ်ကမူၣ်လၢအဂ့ၤ တကံလိ*+ ဒ်တၢ်လုၢ်လၢ တၢ်ဒဲးဘးအဂီၢ် အသိးလီၤ. ဒီးမ့ၢ်လၢ အမ့ၢ်ဝဲ တၢ်လုၢ်လၢ တၢ်ဒဲးဘးအဂီၢ်အဃိ အဝဲတဘၣ်ဖၢနုာ် သိမ့ၢ်ဂ့ၤ လီၢ်ဘၣ်မ့ၢ်ဂ့ၤ လၢအပူၤဘၣ်. ၁၂ အဝဲကဟဲစိာ်ဝဲလၢ ပှၤလုၢ်တၢ်ဒိၣ်အအိၣ်​ ဒီးပှၤလုၢ်တၢ်ဒိၣ်​ ကဟံးန့ၢ်ဝဲ လၢအစုတစှီၤ ဒ်တၢ်လၢအခၢၣ်စး တၢ်လုၢ်ဒီတခါအသိး ဒီးကပာ်ဝဲလၢ ယဟိဝၤယွၤ အတၢ်လုၢ်လၢ မ့ၣ်အူ လၢအအိၣ်လၢ တၢ်လုၢ်လီၢ်အဖီခိၣ်​ အလိၤ ဒ်သိးအကခုၣ်ထီၣ်​ အဂီၢ်လီၤ. အဝဲအံၤ မ့ၢ်တၢ်လုၢ်လၢ တၢ်ဒဲးဘးအဂီၢ်လီၤ.

၁၄ “‘ဘၣ်ဃးဒီး တၢ်လုၢ်ဘုန့ၣ်​ တၢ်သိၣ်တၢ်သီ အိၣ်ဝဲဒ်အံၤလီၤ.+ စီၤအၤဟရိၣ်​ အဖိခွါတဖၣ်​ ကဘၣ်ဟဲစိာ် တၢ်လုၢ်ဘု လၢတၢ်လုၢ်လီၢ်လၢ ယဟိဝၤယွၤ အမဲာ်ညါလီၤ. ၁၅ လၢအဝဲသ့ၣ်အကျါတဂၤ ကဘၣ်ဟံးန့ၢ် တၢ်လုၢ်ဘု လၢအမ့ၢ် ကိၣ်ကမူၣ်​ လၢအဂ့ၤ တစှီၤလၢ အဃါဃုာ်ဒီးသိ ဒီးလီၢ်ဘၣ်လၢ အအိၣ်လၢ တၢ်လုၢ်ဘု အဖီခိၣ်​ ခဲလၢာ်လီၤ. ဒီးအဝဲ ဘၣ်ဒွဲၣ်ထီၣ်အီၤဒ် တၢ်လၢအခၢၣ်စး တၢ်လုၢ်ဒီတခါအသိးလၢ တၢ်လုၢ်လီၢ် အဖီခိၣ်​ ဒ်သိး အကခုၣ်ထီၣ်​ အဂီၢ်လီၤ. ဒီးအမ့ၢ်ဝဲ တၢ်နၢမူလၢ အမၤမုာ် ယဟိဝၤယွၤ အသးလီၤ.+