၂ ဝံၤဒီးအဝဲထံၣ်ဝဲ မုၣ်ကမဲလၢအဖှီၣ်တဂၤ ထၢနုာ်လီၤဝဲ စ့ခံဘ့ၣ်​ လၢအလုၢ်အပှ့ၤ အိၣ်ထဲတစဲးဖိလီၤ.*+ ၃ ဒီးယ့ၣ်ၡူးတဲဝဲလၢ “ယကတဲဘၣ်သုတီတီလၢ မုၣ်ကမဲလၢ အဖှီၣ်တဂၤအံၤ ထၢနုာ်တၢ်အါန့ၢ်ဒံး အဝဲသ့ၣ်ခဲလၢာ်လီၤ.+ ၄ အဝဲသ့ၣ်​ ကိးဂၤဒဲး ဟံးန့ၢ်ဝဲ အတၢ်ထူးတၢ်တီၤ အဘျဲၣ်အစဲၢ်တဖၣ်​ ဒီးထၢနုာ်လီၤဝဲ တၢ်မၤဘူၣ်လီၤ. မ့မ့ၢ် မုၣ်ကမဲတဂၤအံၤ ဖှီၣ်ဒိၣ်မး သနာ်က့ အထၢနုာ်ဝဲ တၢ်ခဲလၢာ်လၢ အအိၣ်ဒီးအီၤလၢ အကလုၢ်အီၣ်လုၢ်အီ အသးသမူအဂီၢ်လီၤ.”+

၁၂ ပှၤမ့ၢ်ဟ့ၣ်တၢ်လၢ တၢ်သူၣ်အိၣ်သးအိၣ်န့ၣ် ကစၢ်ယွၤ ဘၣ်သူၣ်ဘၣ်သးဝဲ သပှၢ်တၢၢ်လီၤ. ကစၢ်ယွၤမုၢ်လၢ်ဝဲလၢ ပှၤကဟ့ၣ်တၢ် ဒ်တၢ်လၢအအိၣ်ဒီး အဝဲသ့ၣ်အသိးလီၤ.+ အတမုၢ်လၢ်ဝဲလၢ ပှၤကဟ့ၣ်တၢ် အါန့ၢ်ဒံး တၢ်လၢအအိၣ်ဒီး အဝဲသ့ၣ်ဘၣ်.