၂ အဝဲသ့ၣ်​ တဲဝဲလၢ “ယဟိဝၤယွၤ မၤလိာ်ပကစၢ်လၢ ကနီၤလီၤန့ၢ်ဝဲ ပှၤအံၣ်စရ့လးဖိတဖၣ်​ လၢတၢ်လီၢ် ဒ်တၢ်န့ၢ်သါအသိး ခီဖျိလၢ တၢ်ဖးလီၤ.+ ဒီးယဟိဝၤယွၤ မၤလိာ် ပကစၢ်လၢ ကဟ့ၣ်လီၤ ပဒီပုၢ်ဝဲၢ် စီၤစလၤဖဃး အတၢ်န့ၢ်သါလၢ အဖိမုၣ်တဖၣ်​ အအိၣ်လီၤ.+

၃ မ့မ့ၢ် စီၤစလၤဖဃးန့ၣ်+ အဖိခွါတအိၣ်​ နီတဂၤဘၣ်. အိၣ်ဝဲထဲ အဖိမုၣ်တဖၣ်လီၤ. ဒီးအဖိမုၣ်တဖၣ်​ အမံၤမ့ၢ်ဝဲ နီၢ်မၤလၤ, နီၢ်နိဧၤ, နီၢ်ဃၤကလၤ, နီၢ်မံးလကၤ ဒီးနီၢ်တံးရစၢ်လီၤ. စီၤစလၤဖဃးန့ၣ်​ အပၢ်မ့ၢ်ဝဲ စီၤဃ့ဖ့ၢ်, စီၤဃ့ဖ့ၢ် အပၢ်မ့ၢ်ဝဲ စီၤကံးလဧး, စီၤကံးလဧး အပၢ်မ့ၢ်ဝဲ စီၤမၤကံၢ် ဒီးစီၤမၤကံၢ် အပၢ်မ့ၢ်ဝဲ စီၤမနၤၡ့ၤလီၤ. ၄ ဒီးစီၤစလၤဖဃး အဖိမုၣ်တဖၣ်​ လဲၤလၢ ပှၤလုၢ်တၢ်ဒိၣ်​ စီၤအလၤဧစၢ်,+ စီၤနိၣ်အဖိခွါ စီၤယိၤၡူ ဒီးပှၤခိၣ်ပှၤနၢ်တဖၣ်​ အအိၣ်​ ဒီးတဲဝဲလၢ “ယဟိဝၤယွၤ မၤလိာ် စီၤမိၤၡ့ လၢအကဟ့ၣ်ပှၤ တၢ်န့ၢ်သါလၢ ပဒီပုၢ်ဝဲၢ်ခွါတဖၣ်အကျါလီၤ.”+ အဃိ ဒ်ယဟိဝၤယွၤ မၤလိာ်ဝဲအသိး အဝဲသ့ၣ်​ ဒိးန့ၢ်ဘၣ်​ တၢ်န့ၢ်သါ လၢအပၢ်အဒီပုၢ်ဝဲၢ်ခွါတဖၣ်​ အကျါလီၤ.+