၃ “ဒီးနဘၣ်တဲ အဝဲသ့ၣ်လၢ ‘တၢ်လုၢ်လၢ မ့ၣ်အူလၢ သုကဘၣ်​ လုၢ်ထီၣ်လၢ ယဟိဝၤယွၤ အအိၣ်န့ၣ်​ မ့ၢ်ဝဲ သိဖါဖိခံဒုလၢ အလၢအပှဲၤ လၢအသးအိၣ်​ တနံၣ်​ ဒ်တၢ်လုၢ်ဒွဲၣ်အူ အသိး ကိးနံၤဒဲးလီၤ.+ ၄ အဃိ လၢဂီၤခီန့ၣ်​ နကဘၣ်လုၢ်ထီၣ်​ သိဖါဖိတဒု ဒီးဖဲမုၢ်လီၤနုာ် အဆၢကတီၢ်န့ၣ်* နကဘၣ်​ လုၢ်ထီၣ်​ သိဖါဖိ အဝဲတဒု+ ၅ ဃုာ်ဒီး ကိၣ်ကမူၣ်​ လၢအဂ့ၤ တကံလိ* ဃါဃုာ်အသးဒီး သ့ၣ်စၤယံး အသိစီ တလံးထၢၣ်* ဒ်တၢ်လုၢ်ဘု အသိးလီၤ.+ ၆ အဝဲန့ၣ်​ မ့ၢ်ဝဲ ကိးနံၤဒဲး အတၢ်လုၢ်ဒွဲၣ်အူ+ လၢပှၤစးထီၣ်​ မၤအီၤလၢ ကစၢၢ်စံၤနါ ဒ်တၢ်နၢမူလၢ အမၤမုာ်အသးလီၤ. ဒီးအမ့ၢ်ဝဲ တၢ်လုၢ်လၢမ့ၣ်အူ လၢယဟိဝၤယွၤ အအိၣ်​ ၇ ဃုာ်ဒီး စပံးထံလၢ တၢ်လုၢ်တၢ်ပာ်အဂီၢ် တလံးထၢၣ်​ လၢသိဖါဖိ တဒုစုာ်စုာ် အဂီၢ်လီၤ.+ ဒီးနကဘၣ်လူလီၤ စပံးထံလၢ တၢ်လုၢ်တၢ်ပာ်အဂီၢ်လၢ တၢ်စီဆှံအလီၢ် လၢယဟိဝၤယွၤ အအိၣ်လီၤ. ၈ ဖဲမုၢ်လီၤနုာ် အဆၢကတီၢ်န့ၣ်​ နဘၣ်ဟ့ၣ်လုၢ်ထီၣ်​ သိဖါဖိ အဝဲတဒု ဃုာ်ဒီး တၢ်လုၢ်ဘု ဒီးစပံးထံလၢ တၢ်လုၢ်တၢ်ပာ်အဂီၢ် ဒ်လၢဂီၤခီ အသိးလီၤ. နဘၣ်လုၢ်ထီၣ်အီၤ ဒ်တၢ်လုၢ်လၢ မ့ၣ်အူလၢ ယဟိဝၤယွၤ အအိၣ်​ ဒီးအမ့ၢ် တၢ်နၢမူလၢ အမၤမုာ် အသးလီၤ.+