၂၄ ပှၤက့ရၡိၣ်ဖိ အဒူၣ်ဖိထၢဖိတဖၣ်​ န့ၢ်ဘၣ်မူဒါလၢ ကအံးထွဲကွၢ်ထွဲဝဲ ဒီးစိာ်ဝဲ တၢ်လၢ အဘၣ်တၢ်ပာ်ဖျါအီၤလၢ လာ်လီၤ.+ ၂၅ အဝဲသ့ၣ်​ ကဘၣ်လဲၤစိာ်ဝဲ ဒဲစီဆှံ အတၢ်ကံးညာ်တဖၣ်,+ တၢ်အိၣ်ဖှိၣ်​ အဒဲ အတၢ်ကျၢၢ်ဘၢတၢ်, တၢ်ကျၢၢ်ဘၢတၢ်တဘ့ၣ်​ လၢအမ့ၢ် ပီၣ်လဲၣ်ဆှီအဘ့ၣ်+ ဒီးတၢ်ကျၢၢ်ဘၢတၢ် အဂၤလၢ အအိၣ်ဝဲလၢ အဖီလာ် တဘ့ၣ်လီၤ. အဝဲသ့ၣ်​ ဘၣ်လဲၤစိာ်စ့ၢ်ကီး တၢ်ကံးညာ်လၢ တၢ်ကနုာ်လီၤလၢ တၢ်အိၣ်ဖှိၣ်​ အဒဲအဂီၢ်,+ ၂၆ တၢ်ကံးညာ်တဖၣ်လၢ တၢ်ပျီလၢ အအိၣ်လၢ ကရၢၢ်ပူၤအဂီၢ်,+ တၢ်ကံးညာ်လၢ တၢ်နုာ်လီၤအလီၢ် လၢပှၤကနုာ်လီၤ ဆူတၢ်ပျီအံၤလၢ+ အအိၣ်ဒီး ဒဲစီဆှံ ဒီးတၢ်လုၢ်လီၢ်, ဒဲအပျံၤတဖၣ်, အတၢ်ပီးတၢ်လီခဲလၢာ် ဒီးတၢ်ခဲလၢာ်လၢ အဘၣ်တၢ်သူအီၤလၢ ဒဲစီဆှံတၢ်မၤ အဂီၢ်လီၤ. အဝဲန့ၣ်​ မ့ၢ်အဝဲသ့ၣ်​ အမူဒါလီၤ.