၇ ဒီးမ့မ့ၢ် မနၤၡ့ၤအဒူၣ်တဝာ်န့ၣ်​ စီၤမိၤၡ့ ဟ့ၣ်အဝဲသ့ၣ်​ တၢ်န့ၢ်သါလၢ ကီၢ်ဘၤၡၣ်အပူၤလီၤ.+ ဒီးမနၤၡ့ၤအဒူၣ်လၢ အဂၤတဝာ်န့ၣ်​ စီၤယိၤၡူ ဟ့ၣ်အဝဲသ့ၣ်တၢ်လီၢ်လၢ ထံကျိယၢ်ဒ့ၣ်​ အမုၢ်နုာ်တခီ+ ဒ်အဒီပုၢ်ဝဲၢ်တဖၣ်န့ၢ်ဘၣ်ဝဲ အသိးလီၤ. ဒီးဖဲစီၤယိၤၡူ ပျဲက့ၤအဝဲသ့ၣ်အခါ အဝဲဆိၣ်ဂ့ၤစ့ၢ်ကီး အဝဲသ့ၣ်​ ၈ ဒီးတဲဘၣ်အဝဲသ့ၣ်လၢ “သုမၤန့ၢ်တၢ်ထူးတၢ်တီၤ, ဆၣ်ဖိကီၢ်ဖိ, ထူ, စ့, တိၢ်ဘီဒီးထး ဒီးဆ့ကူဆ့ကၤ အါအါဂီၢ်ဂီၢ်လံ.+ က့ၤစိာ်တၢ်သ့ၣ်တဖၣ်အံၤလၢ သုဒဲတက့ၢ်. တၢ်လၢသုမၤန့ၢ်လၢ သုဒုၣ်သုဒါအအိၣ်န့ၣ်​ ဟံးန့ၢ်အီၤတနီၤ+ ဒ်သုဒီပုၢ်ဝဲၢ်တဖၣ်​ မၤဝဲအသိးန့ၣ်တက့ၢ်.”

၂၄ ဘၣ်ဃးဒီး တၢ်ဂ့ၢ်တခါအံၤ မတဂၤ သးလီၤပလိာ်ဒီးသု ကသ့တဂၤလဲၣ်. ပှၤလၢ အလဲၤဒုးတၢ်န့ၣ်​ ကန့ၢ်ဘၣ်တၢ်ပှဲၤသိးဒီး ပှၤလၢ အဆ့ၣ်နီၤကွၢ်ထွဲ တၢ်ဖိတၢ်လံၤတဖၣ်လီၤ.+ ပှၤခဲလၢာ် ကန့ၢ်ဘၣ်တၢ် ဒ်သိးသိးလီၤ.”+