၂၄ ဘၣ်ဆၣ်​ ယခ့ယပှၤ စီၤကၤလ့းန့ၣ်+ အတၢ်ပာ်သူၣ်ပာ်သး လီၤဆီဒီးပှၤဂၤ ဒီးအဝဲ ဒိကနၣ်​ ယကလုၢ်လၢ အသးဒီဖျၢၣ်​ ထီဘိအဃိ ယကလဲၤ ဆှၢနုာ်အီၤလၢ ကီၢ်လၢ အလဲၤတုၤဝဲ တဘ့ၣ်န့ၣ်​ အပူၤ ဒီးအစၢၤအသွဲၣ်တဖၣ်​ ကမၤန့ၢ်ဘၣ်​ ကီၢ်တဘ့ၣ်န့ၣ်လီၤ.+

၃၄ “ဒီးယဟိဝၤယွၤ နၢ်ဟူ တၢ်လၢသုတဲတဖၣ်အဃိ အဝဲ သးဒိၣ်ထီၣ်တၢ် ဒီးအၢၣ်လီၤဝဲလၢ+ ၃၅ ‘သုဝဲ ပှၤအၢပှၤသီ တစိၤအံၤန့ၣ်​ သုတဘၣ်​ ထံၣ်ဘၣ်​ ကီၢ်လၢအဂ့ၤတဘ့ၣ်​ လၢယအၢၣ်လီၤလၢ ယကဟ့ၣ်လီၤ သုပၢ်တဖၣ်န့ၣ်​ နီတဂၤဘၣ်.+ ၃၆ ထဲဒၣ်​ စီၤယဖူန့ၤ အဖိခွါ စီၤကၤလ့းန့ၣ်​ ကထံၣ်ဘၣ်ဝဲလီၤ. မ့ၢ်လၢအဝဲ ဒိကနၣ်​ ယၤ, ယဟိဝၤယွၤ အကလုၢ်လၢ အသးဒီဖျၢၣ်အဃိ ယကဟ့ၣ်အီၤ ဒီးအစၢၤအသွဲၣ်တဖၣ်လၢ ကီၢ်လၢ အလဲၤတုၤဝဲတဘ့ၣ်န့ၣ်လီၤ.+ ၃၇ (လၢသုဃိန့ၣ်​ ယဟိဝၤယွၤ သးဒိၣ်ထီၣ်ယၤ စ့ၢ်ကီးလီၤ. ဒီးတဲဝဲလၢ “နၤစ့ၢ်ကီး နတလဲၤနုာ်လီၤဘၣ်​ ဖဲန့ၣ်ဘၣ်.+ ၃၈ စီၤနိၣ်​ အဖိခွါ စီၤယိၤၡူ လၢအဆၢထၢၣ်လၢ နမဲာ်ညါန့ၣ်+ မ့ၢ်ပှၤတဂၤလၢ အကလဲၤနုာ်လီၤလၢ ကီၢ်တဘ့ၣ်န့ၣ်​ အပူၤလီၤ.+ မ့ၢ်လၢအဝဲ ကတီခိၣ်ရိၤမဲ ပှၤအံၣ်စရ့လးဖိတဖၣ်​ ဒ်သိး ကန့ၢ်သါဘၣ်​ ကီၢ်တဘ့ၣ်န့ၣ်​ အဃိ ဒုးဆူၣ်ထီၣ်​ အဂံၢ်အဘါ*+ တက့ၢ်.”)

၈ ယဒီပုၢ်ဝဲၢ်ခွါလၢ အလဲၤဒီးယၤ ဒ်သိးသိးတဖၣ်​ မၤဟးဂီၤ ပှၤဂီၢ်မုၢ်တဖၣ်အသး ဘၣ်ဆၣ်​ ယဒိကနၣ်​ ယကစၢ် ယဟိဝၤယွၤ လၢယသးဒီဖျၢၣ်ညါလီၤ.+