၃၀ ပှၤကဃးဖိ အဒူၣ်ဖိထၢဖိတဖၣ်​ အခိၣ်အနၢ်န့ၣ်​ မ့ၢ်ဝဲ စီၤဧူးစံၤအ့လး အဖိခွါ စီၤအလံစဖၣ်လီၤ.+ ၃၁ အဝဲသ့ၣ်​ အမူဒါ အိၣ်ဝဲလၢ ကကွၢ်ထွဲဝဲ တလါစီဆှံ,+ စီၢ်နီၤခိၣ်,+ မ့ၣ်အူဒၢ,+ တၢ်လုၢ်လီၢ်တဖၣ်,+ တၢ်ပီးတၢ်လီတဖၣ်လၢ+ အဘၣ်တၢ်သူအီၤလၢ ကမၤတၢ်လၢ တၢ်စီဆှံအလီၢ်, ယၣ်ဘျးသဒၢ+ ဒီးတၢ်မၤခဲလၢာ် လၢအဘၣ်ဃးဒီး တၢ်သ့ၣ်တဖၣ်န့ၣ်လီၤ.+

၁၅ “ဖဲတၢ်ကသုးကွံာ်ဝဲ ဒဲကဝီၤ အဆၢကတီၢ်န့ၣ်​ စီၤအၤဟရိၣ်​ ဒီးအဖိခွါတဖၣ်​ ကဘၣ်ကးဘၢဝဲ တၢ်စီဆှံအလီၢ်+ ဒီးအတၢ်ပီးတၢ်လီ ခဲလၢာ်လီၤ. ဖဲအဝဲသ့ၣ်​ မၤဝဲဝံၤ အဆၢကတီၢ်န့ၣ်​ စီၤကဃး အစၢၤအသွဲၣ်တဖၣ်​ ကဘၣ်ဟဲ ဒ်သိး ကလဲၤစိာ် တၢ်သ့ၣ်တဖၣ်န့ၣ်အဂီၢ်+ ဘၣ်ဆၣ်​ အဝဲသ့ၣ်​ တဘၣ်ထိးဝဲ တၢ်စီဆှံ အလီၢ်ဘၣ်. အဝဲသ့ၣ်​ မ့ၢ်ထိးဝဲန့ၣ်​ ကသံဝဲလီၤ.+ တၢ်သ့ၣ်တဖၣ်န့ၣ်​ မ့ၢ်ဝဲ စီၤကဃး အစၢၤအသွဲၣ်တဖၣ်​ အမူဒါလၢ အဘၣ်ထွဲဒီး တၢ်အိၣ်ဖှိၣ်​ အဒဲလီၤ.