၁၅ “ဖဲတၢ်ကသုးကွံာ်ဝဲ ဒဲကဝီၤ အဆၢကတီၢ်န့ၣ်​ စီၤအၤဟရိၣ်​ ဒီးအဖိခွါတဖၣ်​ ကဘၣ်ကးဘၢဝဲ တၢ်စီဆှံအလီၢ်+ ဒီးအတၢ်ပီးတၢ်လီ ခဲလၢာ်လီၤ. ဖဲအဝဲသ့ၣ်​ မၤဝဲဝံၤ အဆၢကတီၢ်န့ၣ်​ စီၤကဃး အစၢၤအသွဲၣ်တဖၣ်​ ကဘၣ်ဟဲ ဒ်သိး ကလဲၤစိာ် တၢ်သ့ၣ်တဖၣ်န့ၣ်အဂီၢ်+ ဘၣ်ဆၣ်​ အဝဲသ့ၣ်​ တဘၣ်ထိးဝဲ တၢ်စီဆှံ အလီၢ်ဘၣ်. အဝဲသ့ၣ်​ မ့ၢ်ထိးဝဲန့ၣ်​ ကသံဝဲလီၤ.+ တၢ်သ့ၣ်တဖၣ်န့ၣ်​ မ့ၢ်ဝဲ စီၤကဃး အစၢၤအသွဲၣ်တဖၣ်​ အမူဒါလၢ အဘၣ်ထွဲဒီး တၢ်အိၣ်ဖှိၣ်​ အဒဲလီၤ.

၂၀ အဝဲသ့ၣ်​ တဘၣ်လဲၤနုာ်ကွၢ်ဝဲ တၢ်လၢအစီဆှံတဖၣ်​ ထဲတဘျးဖိန့ၣ်ဘၣ်. အဝဲသ့ၣ်မ့ၢ်မၤဝဲ ဒ်န့ၣ်န့ၣ်​ အဝဲသ့ၣ်​ ကသံလီၤ.”+

၃၉ အဃိ ပှၤလုၢ်တၢ်ဒိၣ်​ စီၤအလၤဧစၢ် ဟံးန့ၢ်ဝဲ ပှၤလၢ မ့ၣ်အူအီၣ်ကွံာ်အီၤတဖၣ်​ အမ့ၣ်အူအ့ၣ်အခွး တိၢ်ဘီတဖၣ်​ ဒီးပိာ်က့ၤဝဲလၢ တၢ်ကဘျၣ်ဘူဘူဖိ ဒ်သိး ကကျးအီၤ လၢတၢ်လုၢ်လီၢ် ၄၀ ဒ်ယဟိဝၤယွၤ မၤလိာ်အီၤ ခီဖျိ စီၤမိၤၡ့ အသိးလီၤ. အဝဲန့ၣ်​ ကဲထီၣ်တၢ်ဒုးသ့ၣ်နီၣ်လၢ ပှၤအံၣ်စရ့လးဖိတဖၣ်အဂီၢ် လၢပှၤလၢအတမ့ၢ် စီၤအၤဟရိၣ်​ အစၢၤအသွဲၣ်ဘၣ်န့ၣ်​ တအိၣ်ဒီး တၢ်ခွဲးတၢ်ယာ်ဘၣ်* အဃိ အဝဲသ့ၣ်​ တဘၣ်သုးဘူးအသး ဒ်သိးကဒွဲၣ်ထီၣ်​ တၢ်နၢမူလၢ ယဟိဝၤယွၤ အမဲာ်ညါဘၣ်.+ ဒီးအကဲထီၣ်​ တၢ်ဒုးသ့ၣ်နီၣ်ဒ်သိး ပှၤသုတမၤထီၣ်အသး ဒ်စီၤကိၤရး ဒီးပှၤလၢ အအိၣ်ဃူဒီးအီၤတဖၣ်​ နီတဂၤတဂ့ၤအဂီၢ်လီၤ.+