၂၁ ဒီးအံၣ်စရ့လးအကစၢ် ယဟိဝၤယွၤ ဟ့ၣ်လီၤဝဲ စီၤစံဃိၣ်​ ဒီးအပှၤသုးဖိခဲလၢာ် လၢပှၤအံၣ်စရ့လးဖိ အစုပူၤလီၤ. အဃိ ပှၤအံၣ်စရ့လးဖိ မၤနၢၤအဝဲသ့ၣ်​ ဒီးမၤန့ၢ်ဝဲ တၢ်လီၢ်တၢ်ကျဲခဲလၢာ် လၢပှၤအမိၢ်ဖိ အိၣ်ဝဲတဖၣ်​ လၢဟီၣ်ကဝီၤဖဲန့ၣ်လီၤ.+ ၂၂ အဃိ ပှၤအံၣ်စရ့လးဖိ မၤန့ၢ်ဝဲ ပှၤအမိၢ်ဖိ အဟီၣ်ကဝီၤခဲလၢာ် စးထီၣ်လၢ ထံကျိအၢ်နိၣ်​ တုၤလၢ ထံကျိယးဘိး ဒီးစးထီၣ်လၢ ပှၢ်မုၢ်ကနၢ တုၤလၢ ထံကျိယၢ်ဒ့ၣ်လီၤ.+