၁၂ ပှၤအံၣ်စရ့လးဖိတဖၣ်​ မၤနၢၤဝဲ စီၤပၤအါဂၤ ဒီးမၤန့ၢ် အဝဲသ့ၣ်အတၢ်လီၢ်တၢ်ကျဲ လၢထံကျိယၢ်ဒ့ၣ်​ အမုၢ်ထီၣ်တကပၤ စးထီၣ်လၢအၢ်နိၣ်​ အတၢ်တြီၤ+ တုၤလၢ ကစၢၢ်ဃ့ရမိၣ်+ ဒီးဧၤရဘၤတၢ်လီၢ်ခဲလၢာ် လၢမုၢ်ထီၣ်တကပၤလီၤ.+ ၂ ပှၤအမိၢ်ဖိ အစီၤပၤစံဃိၣ်န့ၣ်+ အိၣ်ဝဲလၢ ဝ့ၢ်ဃ့ၡဘိၣ်​ ဒီးပၢဝဲ ဝ့ၢ်ဧရိၤဧ့ၢ်+ လၢအအိၣ်လၢ အၢ်နိၣ်အတၢ်တြီၤ+ အကပၤလီၤ. ဒီးအဝဲပၢစ့ၢ်ကီးဝဲ လီၢ်ကဝီၤခဲလၢာ် စးထီၣ်လၢ အၢ်နိၣ်အတၢ်တြီၤခၢၣ်သး ပၢၢ်တုၤလၢ ယးဘိးအတၢ်တြီၤလီၤ. ဒီးအဝဲပၢစ့ၢ်ကီးဝဲ ကံးလဧး အဟီၣ်ကဝီၤ တဝာ်လီၤ. ဒီးယးဘိး အတၢ်တြီၤန့ၣ်​ အိၣ်လၢပှၤဧၣ်မိၣ်ဖိ အကီၢ်ဆၢလီၤ.