၃၉ အဃိ ပှၤလုၢ်တၢ်ဒိၣ်​ စီၤအလၤဧစၢ် ဟံးန့ၢ်ဝဲ ပှၤလၢ မ့ၣ်အူအီၣ်ကွံာ်အီၤတဖၣ်​ အမ့ၣ်အူအ့ၣ်အခွး တိၢ်ဘီတဖၣ်​ ဒီးပိာ်က့ၤဝဲလၢ တၢ်ကဘျၣ်ဘူဘူဖိ ဒ်သိး ကကျးအီၤ လၢတၢ်လုၢ်လီၢ် ၄၀ ဒ်ယဟိဝၤယွၤ မၤလိာ်အီၤ ခီဖျိ စီၤမိၤၡ့ အသိးလီၤ. အဝဲန့ၣ်​ ကဲထီၣ်တၢ်ဒုးသ့ၣ်နီၣ်လၢ ပှၤအံၣ်စရ့လးဖိတဖၣ်အဂီၢ် လၢပှၤလၢအတမ့ၢ် စီၤအၤဟရိၣ်​ အစၢၤအသွဲၣ်ဘၣ်န့ၣ်​ တအိၣ်ဒီး တၢ်ခွဲးတၢ်ယာ်ဘၣ်* အဃိ အဝဲသ့ၣ်​ တဘၣ်သုးဘူးအသး ဒ်သိးကဒွဲၣ်ထီၣ်​ တၢ်နၢမူလၢ ယဟိဝၤယွၤ အမဲာ်ညါဘၣ်.+ ဒီးအကဲထီၣ်​ တၢ်ဒုးသ့ၣ်နီၣ်ဒ်သိး ပှၤသုတမၤထီၣ်အသး ဒ်စီၤကိၤရး ဒီးပှၤလၢ အအိၣ်ဃူဒီးအီၤတဖၣ်​ နီတဂၤတဂ့ၤအဂီၢ်လီၤ.+

၁၉ ဘၣ်ဆၣ်​ ခီဖျိလၢ ပှၤပိာ်ခွါလၢ အအိၣ်လၢ ဝ့ၢ်ဘ့ၤသၡ့မ့ၣ်အပူၤန့ၣ်​ ကွၢ်ထံဝဲ ယဟိဝၤယွၤ အတလါစီဆှံအဃိ ကစၢ်ယွၤ မၤသံ အဝဲသ့ၣ်လီၤ. ကစၢ်ယွၤ မၤသံဝဲ ပှၤအဂၤ ၅၀,၀၇၀ လၢပှၤဂီၢ်မုၢ်အကျါလီၤ. မ့ၢ်လၢ ယဟိဝၤယွၤ မၤသံ အဝဲသ့ၣ်​ အါအါဂီၢ်ဂီၢ်အဃိ အဝဲသ့ၣ်​ သူၣ်အုးသးအုးဝဲလီၤ.+

၁၆ ဘၣ်ဆၣ်​ ဖဲအစိအကမီၤ ဟဲဒိၣ်ထီၣ်ဝဲအခါ အဝဲပာ်ထီၣ်ထီအသး ဒီးအတၢ်ပာ်ထီၣ်ထီသးန့ၣ်​ ဆှၢအီၤလၢ တၢ်ဟးဂီၤလီၤ. အဝဲမၤကမၣ်​ အကစၢ်ယဟိဝၤယွၤ ခီဖျိ အလဲၤနုာ်လီၤလၢ ယဟိဝၤယွၤ အတၢ်လုၢ်ဟံၣ်ပူၤ ဒ်သိးကဒွဲၣ်အူထီၣ်​ တၢ်နၢမူလၢ တၢ်လုၢ်လီၢ်လၢ တၢ်ဒွဲၣ်ထီၣ်​ တၢ်နၢမူအလီၢ်န့ၣ်လီၤ.+

၁၈ အဝဲသ့ၣ်​ လဲၤတြီ စီၤဧူးစံယါ ဒီးတဲအီၤလၢ “စီၤဧူးစံယါဧၢ, နတကြၢး ဒွဲၣ်ထီၣ်တၢ်နၢမူလၢ ယဟိဝၤယွၤအအိၣ်ဘၣ်.+ ထဲဒၣ်​ ပှၤလုၢ်တၢ်ဒိၣ်တဖၣ်​ ကြၢးဒွဲၣ်ထီၣ်​ တၢ်နၢမူ မ့ၢ်လၢအဝဲသ့ၣ်​ မ့ၢ်စီၤအၤဟရိၣ်​ အစၢၤအသွဲၣ်+ ဒီးကစၢ်ယွၤ ပာ်စီဆှံ အဝဲသ့ၣ်​ အဃိလီၤ. ဟးထီၣ်ကွံာ်လၢ တၢ်စီဆှံအလီၢ်သၢၤ. နမၤကမၣ်တၢ်လံ ဒီးနမၤတၢ်ဒ်အံၤန့ၣ်​ တမ့ၢ်လၢ နကန့ၢ်ဘၣ်​ တၢ်လၤကပီၤလၢ ယဟိဝၤယွၤအအိၣ်ဘၣ်.”