၃၀ “ဖဲတၢ်ကတိၤတဖၣ်​ လၢအဘၣ်ဃးဒီး တၢ်ဆိၣ်ဂ့ၤဒီးတၢ်ဆိၣ်အၢလၢ ယပျဲသုဃုထၢအီၤအံၤ ဟဲလၢထီၣ်ပှဲၤထီၣ်အခါ+ ဒီးဖဲသုအိၣ်လၢ ပှၤကလုာ်တဖၣ်လၢ ယဟိဝၤယွၤ မၤလီၤပြံလီၤပြါသုအကျါအခါ+ သုကသ့ၣ်နီၣ်ထီၣ်​ တၢ်ကတိၤတဖၣ်အံၤလီၤ.+ ၂ ဒီးသုကဟဲက့ၤကဒါက့ၤလၢ သုကစၢ် ယဟိဝၤယွၤအအိၣ်+ ဒီးသုဒီးသုဖိခွါတဖၣ်​ ကဒိကနၣ်​ ကစၢ်ယွၤအကလုၢ် ဒီးတၢ်ခဲလၢာ် လၢယမၤလိာ်သု လၢတနံၤအံၤ လၢသုသးဒီဖျၢၣ်​ ဒီးလၢသုတၢ်အိၣ်မူ ကိးသနၢၣ်ဒဲး အပူၤလီၤ.+ ၃ ဖဲန့ၣ်အခါ သုကစၢ် ယဟိဝၤယွၤ ကဒုးဟးထီၣ်သုလၢ တၢ်လီၢ်လၢ ပှၤက့ၤဖီၣ်သု+ ဒီးအကပာ်ဖျါထီၣ်​ တၢ်သးကညီၤလၢ သုဖီခိၣ်လီၤ.+ ဒီးဖဲသုအိၣ်လၢ ပှၤကလုာ်တဖၣ်အကျါ လၢတၢ်လီၢ်လၢ ကစၢ်ယွၤ မၤလီၤပြံလီၤပြါသုအခါ သုကစၢ် ယဟိဝၤယွၤ ကပာ်ဖှိၣ်ထီၣ်က့ၤသုလီၤ.+

၈ “ဖဲန့ၣ်အခါ သုကဟဲက့ၤကဒါက့ၤ လၢသုကစၢ် ယဟိဝၤယွၤအအိၣ်​ ဒီးသုကဒိကနၣ်​ အကလုၢ် ဒီးသုကမၤထွဲ အတၢ်မၤလိာ်ခဲလၢာ်လၢ ယမၤလိာ်သု လၢတနံၤအံၤလီၤ. ၉ ယဟိဝၤယွၤ ကသးခုကဒီးလၢ သုဖီခိၣ်​ ဒ်အသးခုလၢ သုမိၢ်ပၢ်ဖံဖု လၢပျၢၤတဖၣ်​ အဖီခိၣ်အသိး ဒီးအဝဲ ကအဲၣ်ဒိး ဒုးထူးဒုးတီၤထီၣ်သုလီၤ.+ အဃိ တၢ်လၢသုမၤအီၤခဲလၢာ်န့ၣ်​ သုကစၢ် ယဟိဝၤယွၤ ကဆိၣ်ဂ့ၤအီၤ ထူးထူးတီၤတီၤလီၤ. ကစၢ်ယွၤ ကမၤအါထီၣ်​ သုဖိသုလံၤ, သုဆၣ်ဖိကီၢ်ဖိ ဒီးသုဟီၣ်ခိၣ်​ အတၤသူတၤသၣ်​ တဖၣ်လီၤ.+ ၁၀ ဒီးသုကဒိကနၣ်​ သုကစၢ် ယဟိဝၤယွၤ အကလုၢ် ဒီးသုကမၤထွဲ အတၢ်မၤလိာ် ဒီးအတၢ်ဘျၢလၢ အဘၣ်တၢ်ကွဲးလီၤအီၤလၢ လံာ်တၢ်သိၣ်တၢ်သီအံၤ* အပူၤလီၤ. ဒီးသုကဟဲက့ၤလၢ သုကစၢ် ယဟိဝၤယွၤအအိၣ်​ လၢသုသးဒီးဖျၢၣ်​ ဒီးလၢသုတၢ်အိၣ်မူ ကိးသနၢၣ်ဒဲးအပူၤလီၤ.+

၄၈ ဒီးဖဲအဝဲသ့ၣ်​ အိၣ်ဝဲလၢ အဒုၣ်အဒါလၢ အက့ၤဖီၣ်အီၤတဖၣ်​ အထံကီၢ်အခါ အဝဲသ့ၣ်​ မ့ၢ်ဟဲက့ၤကဒါက့ၤလၢ နအိၣ်လၢ အသးဒီဖျၢၣ်ညါ+ ဒီးလၢအဂံၢ်အဘါခဲလၢာ် ဒီးအဝဲသ့ၣ်​ မ့ၢ်ဃၣ်ဃီၤအသးဆူ ထံကီၢ်လၢ နဟ့ၣ်လီၤ အဝဲသ့ၣ်​ အမိၢ်ပၢ်ဖံဖု လၢပျၢၤတဖၣ်​ အအိၣ်​ ဒီးလၢဝ့ၢ်လၢ နဃုထၢထီၣ်အီၤ တဖျၢၣ်အအိၣ်​ ဒီးလၢဟံၣ်လၢ ယတ့ထီၣ်လၢ နမံၤအဂီၢ်အအိၣ်​ ဒီးမ့ၢ်ဃ့ထုကဖၣ်လၢ နအိၣ်န့ၣ်+ ၄၉ မ်နဒိကနၣ်​ အဝဲသ့ၣ်​ အတၢ်ထုကဖၣ်​ ဒီးအတၢ်ဃ့ကညးလၢ တၢ်သးကညီၤအဂီၢ် လၢနတၢ်အိၣ်တၢ်ဆိးအလီၢ် လၢမူခိၣ်+ ဒီးစံၣ်ညီၣ်န့ၢ်တၢ်လၢ အဝဲသ့ၣ်အဂီၢ်တက့ၢ်.

၁၃ “‘မ့ၢ်လၢ သုကဃုယၤလၢ သုသးဒီဖျၢၣ်+ အဃိ သုကဃုယၤဒီး သုကထံၣ်န့ၢ်ယၤလီၤ.+