၈ ဒီးတၢ်လုၢ်ဟံၣ်တဖျၢၣ်အံၤ ကကဲထီၣ်​ တၢ်ဟးဂီၤအပူၣ်တဖၣ်လီၤ.+ ပှၤလၢအလဲၤဘၣ်ကျဲဖဲန့ၣ်​ ကိးဂၤဒဲးန့ၣ်​ ကကွၢ်ထံဝဲလၢ တၢ်လီၤကမၢကမၣ်အပူၤ ဒီးကတဲဆဲးအဲးဝဲလၢ* ‘ဘၣ်မနုၤအဃိ ယဟိဝၤယွၤမၤဝဲ ကီၢ်တဘ့ၣ်အံၤ ဒီးတၢ်လုၢ်ဟံၣ်​ တဖျၢၣ်အံၤ ဒ်အံၤလဲၣ်.’+ ၉ ဒီးအဝဲသ့ၣ်​ ကတဲဝဲလၢ ‘မ့ၢ်လၢအဝဲသ့ၣ်​ ပာ်တ့ၢ်ကွံာ် အကစၢ်ယဟိဝၤယွၤ လၢအဒုးဟးထီၣ်​ အမိၢ်ပၢ်ဖံဖု လၢပျၢၤတဖၣ်​ လၢကီၢ်အဲၤကူပတူးအပူၤ ဒီးမ့ၢ်လၢအဝဲသ့ၣ်​ တူၢ်လိာ်ယွၤလၢ အဂၤတဖၣ်, ဘါယွၤတဖၣ်အံၤ ဒီးမၤအတၢ်အဃိ ယဟိဝၤယွၤ ဒုးလီၤဘၣ်အဝဲသ့ၣ်လၢ တၢ်နးတၢ်ဖှီၣ်အံၤ ခဲလၢာ်လီၤ.’”+

၈ “‘ပှၤဂီၢ်မုၢ်လၢ ပှၤကလုာ်အါကလုာ်အကျါန့ၣ် ကလဲၤဘၣ်ကျဲလၢ ဝ့ၢ်တဖျၢၣ်အံၤ အကပၤ ဒီးတဲလိာ်သး တဂၤဒီးတဂၤလၢ “ဘၣ်မနုၤအဃိ ယဟိဝၤယွၤ မၤဝဲ ဝ့ၢ်ဖးဒိၣ်တဖျၢၣ်အံၤ ဒ်အံၤလဲၣ်.”+ ၉ ပှၤကတဲဆၢဝဲလၢ “မ့ၢ်လၢ အဝဲသ့ၣ် ပာ်တ့ၢ်ကွံာ် အကစၢ် ယဟိဝၤယွၤ အတၢ်အၢၣ်လီၤအီလီၤ ဒီးအဝဲသ့ၣ် ဘူၣ်ထီၣ်ဘါထီၣ် ယွၤအဂၤတဖၣ် ဒီးမၤယွၤအဂၤတဖၣ်အတၢ် အဃိလီၤ.”’+