၁၅ “ဘၣ်ဆၣ်​ သုမ့ၢ်တဒိကနၣ်​ သုကစၢ် ယဟိဝၤယွၤ အကလုၢ် ခီဖျိ သုတအိၣ်မူမၤထွဲ အတၢ်မၤလိာ်ခဲလၢာ် ဒီးအတၢ်သိၣ်တၢ်သီ လၢယမၤလိာ်သု လၢတနံၤအံၤဘၣ်န့ၣ်​ တၢ်ဆိၣ်အၢတဖၣ်အံၤ ကလီၤဘၣ်လၢသုလိၤ ခဲလၢာ်လီၤ.+

၃၃ သုဟီၣ်ခိၣ်​ အတၤသၣ်​ ဒီးတၢ်လၢ အမဲထီၣ်သၣ်ထီၣ်​ ခဲလၢာ်န့ၣ်​ ပှၤလၢ သုတသ့ၣ်ညါဘၣ်တဖၣ်​ ကအီၣ်ဝဲ+ ဒီးသုကဘၣ်​ တၢ်လံၣ်အီၣ်လီအီၣ်သု ဒီးပှၤကမၤနၢၤအီၣ်ဃီၣ်သု ထီဘိလီၤ.

၃၁ ပှၤကမၤသံ သုကျီၢ်ဖါ လၢသုမဲာ်ညါ ဒီးသုတအီၣ်ဘၣ်အီၤ နီတစဲးဘၣ်. ပှၤကဟုၣ်န့ၢ် သုကသ့ၣ်ယီၤ လၢသုမဲာ်ညါ ဒီးသုတဒိးန့ၢ်ဘၣ်က့ၤအီၤဘၣ်. သုဒုၣ်သုဒါတဖၣ်​ ကဟံးန့ၢ် သုသိ ဒီးပှၤလၢအကမၤစၢၤသု တအိၣ်ဘၣ်.

၄၈ ယဟိဝၤယွၤ ကဆှၢလီၤ သုဒုၣ်သုဒါ လၢအကဒုးသုလီၤ. ဒီးသုကဘၣ်​ မၤန့ၢ်တၢ်လၢ အဝဲသ့ၣ်အဂီၢ်+ ဖဲသုလီၤဘဲ,+ သုဘၣ်သးအီထံ, သုတၢ်ကူတၢ်သိး တယၢဘၣ်* ဒီးတၢ်အဂၤ တယၢလၢသုဂီၢ် နီတမံၤဘၣ်​ အခါလီၤ. အဝဲ ကတီၣ်ထီၣ်​ နီၣ်ယိးဘိထး လၢသုဖံဘၣ်ခိၣ်​ တုၤလၢ သုသံခဲလၢာ်လီၤ.