၁၆ “အဃိန့ၣ်​ မ့ၢ်သုပာ်ထီၣ်​ စီၤအဘံၤမ့လ့းလၢ စီၤပၤ+ လၢတၢ်သူၣ်ဘျၢသးဘျၢ ဒီးတၢ်သူၣ်တီသးလိၤအပူၤဧါ. မ့ၢ်သုပာ်ဖျါထီၣ်​ တၢ်သူၣ်ဂ့ၤသးဝါလၢ စီၤယရူဘဧၤလး ဒီးအဟံၣ်ဖိဃီဖိ အဖီခိၣ်ဧါ. ဒီးမ့ၢ်သုရ့အီၤ ဒ်သုကြၢးရ့အီၤအသိးဧါ. ၁၇ ဒ်သိး ယပၢ်ကမၤထူၣ်ဖျဲးထီၣ်​ သုလၢ ပှၤမံးဒယၣ်ဖိအစုပူၤအဂီၢ်+ အဝဲတူၢ်သံအသးဘူၣ်ဝဲအဃိ အဒုးတၢ် လၢသုဂီၢ်လီၤ.+ ၁၈ တနံၤအံၤန့ၣ်​ သုထီဒါ ယပၢ်အဟံၣ်ဖိဃီဖိ ဒီးမၤသံကွံာ် အဖိခွါအဂၤ ၇၀ လၢလၢၢ်တဖျၢၣ်​ အလိၤလီၤ.+ ဝံၤဒီး အကုၢ်ပိာ်မုၣ်​ အဖိခွါလၢအမ့ၢ် စီၤအဘံၤမ့လ့းန့ၣ်+ မ့ၢ်လၢအကဲဝဲ သုဘူးသုတံၢ် အဃိ သုပာ်ထီၣ်အီၤ လၢစီၤပၤ လၢဝ့ၢ်ၡက့ၣ်​ အခိၣ်အနၢ်တဖၣ်​ အဖီခိၣ်လီၤ.