၅ ဒီးပှၤဘအ့ရိးဖိ စီၤရံးမိၣ်​ အဖိခွါတဖၣ်လၢအမ့ၢ် စီၤရ့ကး ဒီးစီၤဘၤနါ လဲၤဝဲလၢ စီၤအံၤၡဘိၡ့း အဟံၣ်ဖဲ မုၢ်ဆါခီ တၢ်ကိၢ်ဝဲ အဆၢကတီၢ်န့ၣ်လီၤ. ဖဲန့ၣ်အဆၢကတီၢ် စီၤအံၤၡဘိၡ့း မံအိၣ်ဘှံးဝဲလီၤ. ၆ အဝဲသ့ၣ်​ လဲၤနုာ်လီၤလၢ ဟံၣ်ပူၤ ဒီးပာ်မၤအသးဒ်သိး ကလဲၤဟံးန့ၢ်ဘု ဒီးအဝဲသ့ၣ်ဆဲးဝဲ စီၤအံၤၡဘိၡ့း အဟၢဖၢ ဒီးအဝဲသ့ၣ်+ ဃ့ၢ်ပူၤဖျဲးကွံာ် အသးလီၤ. ၇ ဖဲအဝဲသ့ၣ်​ လဲၤနုာ်လီၤလၢ ဟံၣ်ပူၤအခါ စီၤအံၤၡဘိၡ့း မံနီၤဝဲလၢ အလီၢ်မံခိၣ်​ လၢအဒၢးပူၤ ဒီးအဝဲသ့ၣ်​ ဆဲးအီၤ ဒီးမၤသံကွံာ်အီၤ ဝံၤဒီး အဝဲသ့ၣ်​ ဒီၣ်တဲာ်ကွံာ်ဝဲ အခိၣ်သၣ်ဃံလီၤ. ဒီးအဝဲသ့ၣ်ဟံးန့ၢ်ဝဲ အခိၣ်သၣ်ဃံ ဒီးလဲၤဝဲဒီတနၤကျၢၤ လၢကျဲလၢအလဲၤဆူ ဧၤရဘၤန့ၣ်လီၤ. ၈ ဒီးအဝဲသ့ၣ်​ လဲၤစိာ် စီၤအံၤၡဘိၡ့း+ အခိၣ်သၣ်ဃံလၢ စီၤပၤဒၤဝံး အအိၣ်လၢ ဝ့ၢ်ဃ့ဘြိၣ်အပူၤ ဒီးတဲဘၣ်အီၤလၢ “ကစၢ်စီၤပၤဧၢ, အအံၤမ့ၢ်ဝဲ နဒုၣ်နဒါ စီၤစီလူးလၢ+ အဃုမၤသံနၤတဂၤန့ၣ်+ အဖိခွါ စီၤအံၤၡဘိၡ့း အခိၣ်သၣ်ဃံလီၤ. တနံၤအံၤ ယဟိဝၤယွၤ ဟ့ၣ်ကၣ်က့ၤ စီၤစီလူး ဒီးအစၢၤအသွဲၣ်တဖၣ်​ လၢနဂီၢ်လံ.”

၁၂ ဒီးစီၤဒၤဝံး ဟ့ၣ်လီၤတၢ်ကလုၢ်လၢ ပိာ်ခွါသးစၢ်တဖၣ်​ ကမၤသံကွံာ်အဝဲသ့ၣ်+ ဒီးပိာ်ခွါ သးစၢ်တဖၣ်​ ကျီတဲာ်ကွံာ် အဝဲသ့ၣ်​ အစု ဒီးအခီၣ်​ ဒီးဘျးထီၣ်​ အဝဲသ့ၣ်လၢ+ ကမါအကပၤလၢ ဝ့ၢ်ဃ့ဘြိၣ်န့ၣ်လီၤ. ဘၣ်ဆၣ်​ အဝဲသ့ၣ်ဟံးန့ၢ် စီၤအံၤၡဘိၡ့း အခိၣ်သၣ်ဃံ ဒီးခူၣ်လီၤဝဲဖဲ ပှၤခူၣ်လီၤ စီၤအဘံန့ၢ်အလီၢ် လၢဝ့ၢ်ဃ့ဘြိၣ်န့ၣ်လီၤ.