၃ စီၤပၤသံကွၢ်အီၤလၢ “လၢစီၤစီလူး အဟံၣ်ဖိဃီဖိအကျါ ပှၤလၢ ယကပာ်ဖျါထီၣ်​ ကစၢ်ယွၤ အတၢ်အဲၣ်လၢအတီ လၢအဖီခိၣ်န့ၣ်​ မ့ၢ်အအိၣ်ဒံးတဂၤဂၤဧါ.” စီၤစံဘၤ တဲဆၢစီၤပၤလၢ “စီၤယိနၤသၣ်​ အဖိခွါ အိၣ်ဒံးဝဲတဂၤ သနာ်က့ အခီၣ်* တဂ့ၤဘၣ်​ ခံခီလၢာ်လီၤ.”+ ၄ ဒီးစီၤပၤ သံကွၢ်စီၤစံဘၤလၢ “အဝဲအိၣ်ဖဲလဲၣ်.” စီၤစံဘၤ တဲဆၢက့ၤ စီၤပၤလၢ “အဝဲအိၣ်လၢ လိဒဘၢ် လၢစီၤဧးမံၤအ့လး အဖိခွါ စီၤမၤကံၢ် အဟံၣ်လီၤ.”+

၅ တဘျီဃီန့ၣ်​ စီၤပၤဒၤဝံး မၢပှၤလဲၤကိးန့ၢ်အီၤလၢ လိဒဘၢ် လၢစီၤဧးမံၤအ့လး အဖိခွါ စီၤမၤကံၢ် အဟံၣ်န့ၣ်လီၤ.